Taneng 26:3 - 阿美語聖經-新約附詩篇箴言

³ O sasti' ko sapapihaklong to ^fa, o kadang i ngoyos ko sapapihaklong to lofa, o 'oway ko sapapihaklong to maapaay a tamdaw.

Taneng 26:3 Iomraidhean Croise

'Olic 32:9

Aka ka matiya o ^fa ano^ca o lofa a mafokil, nawhani ano caay pasaso'oten a pakadang ko ^fa ato lofa i, caay pihaklong to tamdaw,>> saan.

Taneng 10:13

Citaneng ko sowal no citangalay a tamdaw, o mamasti' ko koror no maapaay a tamdaw.

Taneng 17:10

Ano kapo'iyen to ccay a sowal ko citanengay a tamdaw i, ikaka no pisti' to smo'ot (100) i maapaay a tamdaw ko nika ci^poc.

Taneng 19:25

Sti'en ko malata'angay a tamdaw ta, mapalal ko maapaay a tamdaw. Salofen a pa'icel ko citangalay a tamdaw ta, matongal ko nika citangal ningra.

Taneng 19:29

O malata'angay a tamdaw i, o mamatfoc cingra. O maapaay a tamdaw i, caay ko mamaliyas ningra ko sasti'.

Taneng 27:22

Ano samaamaanento ko pasifana' to maapaay a tamdaw i, oyananto ko nika apa ningra.

1 Korinto 4:21

O maan ko kangalayan namo saw? O pitatoy ako to sasti' a tayra i tamowanan ko nga'ay hakiya? Ano ^ca i, o olah ato damsayay a faloco' ako ko nga'ay hakiya?

2 Korinto 10:6

Ano masongila'to ko pitoor namo to sowal niyam i, itiya kami a mitfoc to caay pitoor to sowal niyam a tamdaw.

2 Korinto 13:2

Ira ko sasowalen ako tamowanan o ciraraway i 'ayaw ato romaroma a tamdaw. Onini a sasowalen ako i, mapasowalto ako yo sakinatosa ako a tayra i tamowanan a miliso'. Maliyas ako kamo i matini saka, liyawen ako a somowal kamo. Ano miliyaw kako a tayra i tamowanan i, caay ko sasamadahen ako kamo a mitfoc.