Taneng 22:4 - 阿美語聖經-新約附詩篇箴言

⁴ O mita'ongay to Tapang ato misapo^neray to faloco' a tamdaw i, o cacidafong, o tatadamaan, o kakakaya' ko 'orip ningra.

Taneng 22:4 Iomraidhean Croise

Taneng 19:23

O mita'ongay to Tapang i, o kako'daw ko 'orip ningra, rihaday ko aro' ningra a matayal, awaay ko pades ningra.

Taneng 21:20

O 'orip no citanengay a tamdaw i, kadofah to dafong a rihaday ko 'orip, o 'orip no maapaay a tamdaw i, tona patahtah sa cingra a mila'om saka, malasawad ko dafong no loma' ningra.

Taneng 21:21

O milongocay to mo^cel ato adayay ko faloco' a tamdaw i, o kako'daw ko 'orip ningra, o kakangodoan no tamdamdaw cingra.

Taneng 22:3

Malitmoh no mafana'ay a miharateng a tamdaw ko nika aira no pades haw i, tangsol sa cingra a miliyas. Nikawrira, o mafokilay a miharateng a tamdaw haw i, tayra a miraod toya pades.

Taneng 22:5

O limlaay to 'orip a tamdaw i, mafana' a miliyas toya sapirpet to tatiihay a tamdaw a satilo.

Taneng 29:23

O sakatfad no tamdaw ko pisatakaraw to faloco', o mamakangodo no tamdaw ko misapo^neray to faloco' a tamdaw.

Taneng 3:16

O sakakakaya' no 'orip iso ko nika citaneng iso. O romasato, o sakacidafong iso a malatadamaanay.

Taneng 31:30

O nika salongan no fafahiyan i, o mangah, o nika kapah ningra i, awaay ko ^poc, deng o mangodoay to Tapang a fafahiyan ko kakahmekan.

Matay 6:33

Orasaka, nanay i'ayawen a milongoc ko sakalahciaw no pikowan no Kawas ato pido^do to nafaloco'an Ningra, ta halonini a saka'orip a ma^min a mapafli no Kawas kamo.

1 Timoti 4:8

Ci^pocay to mamang ko piyatayat to tireng. Nikawrira, tadaci^poc i masamaamaanay a dmak ko nipipananam ita to faloco' to saki Kawas. Nawhani pakayni tonini a mapalmed ko i matiniay ato aira a 'orip ita.

Yakop 4:10

Sapo^neren ko faloco' namo i ka'ayaw no Tapang, ta pacakaten no Tapang kamo.

Yakop 4:6

Nikawrira, tadakadofah ko nipaflian no Kawas a mikomi, mato sowal a matilid i Fangcalay Cudad, <> saan.