Taneng 21:6 - 阿美語聖經-新約附詩篇箴言

⁶ O caay ka mo^cel a mialaan a dafong i, matiya o mita'lifay a to'em, o sakapatay no tamdaw a matkop.

Taneng 21:6 Iomraidhean Croise

Taneng 10:2

O caay ko mo^celay a nikacidafong i, awaay ko ^poc, nikawrira, ma^deng a pa'orip to tamdaw ko mo^celay.

Taneng 13:11

Ano caay ko nika rorayan iso ko sakacidafong iso i, ranikay a malasawad, ano nano nika rorayan iso ko sakacidafong iso i, caay ko mamalasawad ko dafong iso.

Taneng 20:14

O mamicakay a tamdaw i, matkes a matkes saan a ngaliwngiw, ma'acato ningra i, ka^med a ka^med saan a mahmek.

Taneng 20:21

O rahodayay a mirocokan a dafong i, caay ko sakalmed a tahatolas.

Taneng 22:8

O mifolsakay to caay ka mo^cel a sapaloma i, o mamilitod cingra to pades, o mamapereng ko pikari'ang ningra to tamdaw.

Taneng 30:8

Aka papisamangahen kako, aka palapakosiyaen, aka padafongen kako, patatodong han ko saka'orip aca ako a kakaenen.

Taneng 8:36

O misatalifokilay i takowanan a tamdaw i, o miri'angay to tireng ningra. O mi'intelay i takowanan a tamdaw i, o maolahay to patay,>> saan.

Titus 1:11

O 'a'meten ko nika somowal nangra. Nawhani o ma'anofay cangra to payso. Saka, pasifana' cangra to caay ko papasifana'en a sowal. Pakayni tonini a maparawraw ko polong no lomaloma'.

2 Pitiro 2:3

Ma'anofay cangra saka, o papakaynien nangra i ko^sanay a sowal ko nipisafana' i tamowanan a mili^tan. Naniti:ya aca a mipatala ko mamisawkit cangraan a Kawas. Saka, caay ka ^ca o mamatkop cangra.