Taneng 21:4 - 阿美語聖經-新約附詩篇箴言

⁴ O pisalata'ata'ang a misatakaraw ato pisaseneseneng no tatiihay a tamdaw i, o raraw konini.

Taneng 21:4 Iomraidhean Croise

'Olic 10:4

Misatakaraw ko faloco' no tatiihay a tamdaw, caay pilongoc to Tapang, awaay i faloco' ningra ko Kawas.

'Olic 101:5

O papalasawaden ako ko pakalimekay a milikaf to widang ningra a tamdaw, caay ko mamihayda kako to misatakaraway a malita'ang a tamdaw.

'Olic 131:1

Tapangaw, caayto pisalata'ata'ang kako, caayto pisacimacima kako a misatakaraw. Caayto pisatadamaamaan kako to dmak, caayto piliyaw kako a midmak to ko^sitay a dmak.

Taneng 15:8

Maolah ko Tapang to pitolon no mo^celay a tamdaw, nikawrira, ma'osi Cingra to nipato'ayaan no tatiihay a tamdaw.

Taneng 21:27

Ma'osi ko Tapang to nipato'ayaan no tatiihay a tamdaw, mangalef ko nika 'osi Ningra to nisafana'ay a pipacakat.

Taneng 24:20

Awaay ko nga'ayay a harakat no tatiihay a tamdaw, awaay ko pafaloco'an ningra.

Taneng 30:13

O roma a tamdaw i, o masongila'ay a makapahay kako saan a misatakaraw.

Taneng 6:16

Ira ko pito a dmak to ka'osian no Tapang to caay ko mamahadidi Ningra a dmak. O pisatakaraw no mata a minengneng, o pisamangah no sma a somowal, o pipatay no kamay to awaayay ko raraw a tamdaw, o pisahalaka no faloco' to tatiihay, o nika kanir a midmak no wa'ay to tatiihay, o pisamangah a pawacay, o pipalakalakalat to sowal i widawidang.

Taneng 8:13

O mangodoay to Tapang i, ka'intelen to tatiihay, ma'intel kako to misatakaraway ato malata'angay a faloco', ato matelii to tatiihay a dmak ato misamangahay a sowal.

Luka 11:34

O todong no dawdaw no tireng ko mata. Saka, ano manga'ay ko mata iso i, ta^ngad ko tireng iso a ma^min. Nikawrira, ano tatiih ko mata iso i, to'man ko tireng iso a ma^min.

Luka 18:14

Sowalen Ako kamo, yo minokay i loma' koya tatosa a tamdaw i, onini a milisataay a tamdaw ko i mataay no Kawas a mo^celay a tamdaw, caay ka oya Farisay a tamdaw. Nawhani o misatakaraway ko faloco' a tamdaw i, o mamasrer. O misapo^neray ko faloco' a tamdaw i, o mamapacakat,>> han Ningra.

Loma 14:23

Nikawrira, ano cihinapec ko tamdaw a komaen i, malasakaciraraw ningra, nawhani caay ko nano piti'er ko dmak ningra. O caay ko nano piti'er ci Kristoan a dmak i, o raraw a ma^min.

1 Pitiro 5:5

O romasato, kamo o kapah a tamdaw, pihaklong to mato'asay. Ca'dongen ko misapo^neray a faloco' a masasipadapadang. Nawhani o sowal a matilid i Fangcalay Cudad i, <> saan.