Taneng 21:11 - 阿美語聖經-新約附詩篇箴言

¹¹ O malata'angay a tamdaw i, o mamatfoc cingra, halomafokilay a tamdaw a mapasifana'. O citanengay a tamdaw i, pakayni i nilayapan ningra a sifana' ko sakatongal no fana' ningra.

Taneng 21:11 Iomraidhean Croise

Taneng 1:5

O sakatongal no fana' no citanengay a tamdaw ato sakacilalan no faloco' no citangalay a tamdaw konini

Taneng 15:14

O citangalay a tamdaw i, milongoc to sakafana'aw ningra, o maapaay a tamdaw i, mero sa to fokil ningra.

Taneng 18:1

O caay pikapot to 'alomanay a tamdaw i, satked sa a mido^do to kangalayan no tireng, o matamaay a haratengen no tamdaw a dmak i, caay ka tama saan cingra.

Taneng 18:15

O faloco' no citanengay a tamdaw i, mangalay a mafana', o tangila no citangalay a tamdaw i, mangalay a mitngil to taneng a sowal.

Taneng 19:25

Sti'en ko malata'angay a tamdaw ta, mapalal ko maapaay a tamdaw. Salofen a pa'icel ko citangalay a tamdaw ta, matongal ko nika citangal ningra.

Taneng 9:7

Ano misalof kiso to patlac no malata'angay a tamdaw i, kiso ko mapakangodoay, ano mikapo'i kiso to tatiihay a tamdaw i, kiso ko makari'angay.

Taneng 9:9

Ano pasifana'en ko citanengay a tamdaw i, matongal ko nika citaneng ningra, ano pasifana'en ko mo^celay a tamdaw i, matongal ko nika citangal ningra.

Dmak 5:5

Mitngil ci Ananiyas tonini a sowal i, polin sato a mapatay. Matngil no tamdamdaw konini a dmak i, tata'ang ko talaw nangra.

Pa'arawan 11:13

Itiyasato tata'ang ko lonen. Matlep ko ccay no mo^tepay (1/10) a niyaro'. Mapatay ko pito a patek (7,000) a tamdaw to nika lonen. Saka, tata'ang ko talaw noya 'osaw a ma'oripay a tamdamdaw. Hmek sa cangra to nika tadamaan no Kawas i kakarayan.