Taneng 2:8 - 阿美語聖經-新約附詩篇箴言

⁸ Padamaen Ningra ko mo^celay a tamdaw, dipoten Ningra ko so'linay ko faloco' a mita'ong Cingraan.

Taneng 2:8 Iomraidhean Croise

'Olic 1:6

Madipot no Tapang ko rakat no mo^celay a tamdaw, nikawrira, pasayra i katkopan ko rakat no tatiihay a tamdaw.

'Olic 145:20

Dipoten no Tapang ko maolahay i Cingraan a tamdaw a ma^min, nikawrira, o tatkopen Ningra ko tatiihay a tamdaw.

'Olic 23:3

Paflien Ningra kako to fa^lohay a 'icel, do^doen Ningra ko niktonan a sowal a mikrid i takowanan a papido^do to mo^celay a lalan.

'Olic 37:28

Nawhani maolah ko Tapang to mo^celay a dmak, caay pifalah Cingra to so'linay a mitoor a finawlan Ningra. Dipoten Ningra cangra a tahada'oc, nikawrira, laplapen Ningra ko wawawawa no tatiihay a tamdaw.

'Olic 37:31

Ira i faloco' ningra ko rikec no Kawas, saka, caay ka tahoriyac ko wa'ay ningra.

'Olic 66:9

Dipoten Ningra ko 'orip ita saka, caay ka polin kita.

'Olic 97:10

Maolah ko Tapang to ma'osiay to tatiihay a tamdaw, dipoten Ningra ko 'orip no so'linay ko faloco' a finawlan Ningra, pa'oripen Ningra cangra a paliyas nai tatiihay a tamdaw.

Taneng 8:20

I mo^celay a lalan kako a romakat, romakat kako i marayasay a lalan.

1 Pitiro 1:5

a malosapafli no Kawas i tamowanan, pakayni i nipiti'er namo to Kawas a mararid a madipot no 'icel Ningra kamo, tangasa i pipatalahkalan to nipatalaan a sapa'orip i saikoray a romi'ad.

Yuta 1:24

O dengan a Pa'oripay titaanan a Kawas ko ci'icelay a midipot tamowanan to saka^caaw ka tfad namo, ta caay ka ci'oning kamo. O ci'icelay Cingra a mipalasawad to raraw namo a mikrid tamowanan a patireng i ka'ayaw no ci'dilay a tireng Ningra a palipahak tamowanan. Nanay pakayni i Tapang ita ci Yis Kristoan a mapa'dil Cingra. Nanay kasnengan no tamdaw Cingra. Nanay ci'icel ko pikowan Ningra nani'ayaw no satapangan no hkal tahanini a tahada'oc. Amin.