Taneng 2:6 - 阿美語聖經-新約附詩篇箴言

⁶ Nawhani o nano nipaflian no Tapang a ma^min ko sakacitaneng ato sakafana' ato sakacitangal no tamdaw.

Taneng 2:6 Iomraidhean Croise

'Olic 119:104

O nai tiraay i rikec Iso ko sakacitaneng ako, saka, mi'intel kako to tatiihay a dmak.

'Olic 119:34

Nanay tadtaden a pasifana' kako to rikec Iso, mangalay kako a ma'imer a masarocod ko faloco' a mido^do.

'Olic 119:98

Mararid i faloco' ako ko limo'ot Iso, saka, ikaka no 'ada ako ko nika citaneng ako.

'Olic 19:7

O masongila'ay ko rikec no Tapang, o sakafa^loh no 'orip no tamdaw, o ma^dengay a tati'eren ko limo'ot no Tapang, o sakacitaneng no mafokilay a tamdaw.

'Olic 19:8

O mo^celay ko limo'ot no Tapang, o sakalipahak no mido^doay a tamdaw, o so'linay ko sifana' no Tapang, o sakata^ngad no mata no faloco' no tamdaw.

'Olic 51:6

O so'linay a faloco' ko nilongocan Iso, nanay pasifana'en kako to saka citaneng ako.

'Olic 94:10

Cingra ko mikowanay to polong no kasakitakit i, mafokil Cingra a mitfoc to tamdaw haw? Cingra ko pasifana'ay to tamdamdaw i, awaay ko fana' Ningra haw?

Taneng 6:23

O limo'ot nangra i, o likat, o sifana' nangra i, o lalan no 'orip no tamdaw.

Luka 21:15

Nawhani o papaflien Ako kamo to taneng a somowal to saka^caaw ka filo no 'ada namo a pacoli i tamowanan.

Yohani 6:45

O sowal a matilid i cudad no pali'ayaway to sowal no Kawas i, saan. Saka, o mitngilay to sowal no Wama Ako a minanam i Cingraan i, tayni i Takowanan a ma^min.

Yakop 1:17

Polong no nga'ay a dmak ato kahirahira no masongila'ay a rocek i, nai kakarayanay a ma^min, nai ci Wamaan a tayni. O Wama a Kawas ko misanga'ay to likat a ma^min. Caay ka falic Cingra, caay haca ka pisafalifalic.

Yakop 1:5

Ano cima namo ko caay ka deng ko taneng i, ngitangiten ko Kawas. Ta mapafli no Kawas koya tamdaw. Nawhani o halipafliay ko Kawas i kahaccaccay a tamdaw. Caay pakasmer Cingra to milongocay Cingraan.