Taneng 2:3 - 阿美語聖經-新約附詩篇箴言

³ So'linay! Pingitangit to sakafana', pikilim to sakacitangal.

Taneng 2:3 Iomraidhean Croise

'Olic 119:125

O matayalay Iso kako saka, nanay paflien kako to sakafana' a 'icel, ta mafana' kako to sifana' Iso.

'Olic 119:169

Tapangaw, nanay matngil Iso ko pitahidang ako a milongoc i Tisowanan, nanay do^doen Iso ko niktonan Iso a sowal a pafli i takowanan to sakafana' ako a 'icel.

'Olic 119:34

Nanay tadtaden a pasifana' kako to rikec Iso, mangalay kako a ma'imer a masarocod ko faloco' a mido^do.

'Olic 119:73

O misanga'ay, o midipotay Kiso i takowanan, nanay paflien kako to sakafana' ako a minanam to rikec Iso.

Taneng 2:2

Pitngil to sifana' no taneng, sarocoden ko faloco' to sakafana' to tatodong no sowal nira.

Taneng 2:4

Samatiyaen o pikilim to ^kim ato pikilim to masimeday a dafong ko nika lalok iso a mikadkad to sakacitaneng.

Taneng 3:6

I masamaamaanay a dmak iso i, pasayraen i Tapang ko faloco' iso. Ta pasifana'en Ningra kiso to mo^celay a lalan iso.

Taneng 4:1

Wawaaw, pitngil to sifana' no wama namo, sarocoden ko faloco' a milayap, ta mafana' kamo.

Taneng 8:17

O maolahay takowanan i, maolah kako i cangraan, o mikilimay takowanan i, caay ka ^ca ka matama nangra kako.

Luka 11:13

Talacowa o tatiitiihay a tamdaw kamo i, mafana' kamo a pafli i wawa namo to nga'ayay. Ano hatira i, mangalef ko no Wama i kakarayan a pipafli to Fangcalay 'Adingo i milongocay i Cingraan,>> han Ningra.

Yakop 1:5

Ano cima namo ko caay ka deng ko taneng i, ngitangiten ko Kawas. Ta mapafli no Kawas koya tamdaw. Nawhani o halipafliay ko Kawas i kahaccaccay a tamdaw. Caay pakasmer Cingra to milongocay Cingraan.