Taneng 19:9 - 阿美語聖經-新約附詩篇箴言

⁹ O misamangahay a pawacay i, caay ko mamaliyas ningra ko satfoc, o misakaniway a somowal i, o mamatkop cingra.

Taneng 19:9 Iomraidhean Croise

Taneng 12:19

O misamangahay ko sma a tamdaw i, ccay a mlet ko 'orip ningra, o so'linay ko filfil a tamdaw i, mida'oc ko 'orip ningra.

Taneng 19:5

O misamangahay a pawacay i, o mamatfoc cingra, o misakaniway a somowal i, caay ko mamaliyas ningra ko satfoc.

Taneng 21:28

O misamangahay a pawacay a tamdaw i, caay ko papaso'linen, oya so'linay a nitngilan ato dmak ko nisowalan i, o kakangodoen cingra.

Pa'arawan 19:20

Mapalitto koya 'a'adopen atoya midmakay to kafahka'an a dmak i ka'ayaw noya 'a'adopen a kapot nira a mangah a pali'ayaway to sowal no Kawas. (Oya kafahka'an a dmak ko sapisawi ningra to citopaay to ngangan no 'a'adopen ato mita'ongay to faco noya 'a'adopen.) Palimangta' han koya tatosaay a mifahkol i miwarakay ko 'acfel a namanamalan.

Pa'arawan 21:8

Nikawrira, o makoki'ay, o misiikoray to Kawas a tamdaw, o kasimelangan ko dmak, o mipatayay to tamdaw, o ma'odangay, o cikawasay, o mita'ongay to samiyay ato misamangahay ko sowal a tamdaw a ma^min i, o a itira cangra i miwarakay ko 'acfel a masafanaway a namanamalan. Itira cangra a mapatay to sakinatosa a patay.>>

Pa'arawan 22:15

Nikawrira, i papotal no niyaro' ko mato wacoay a kasimelangan ko dmak, o misatangkiay, o ma'odangay, o mipatayay to tamdaw, o mita'ongay to samiyay ato maolahay a misamangah a tamdaw a ma^min.