Taneng 19:6 - 阿美語聖經-新約附詩篇箴言

⁶ O tadamaanay a tamdaw i, ta'ongen no tamdamdaw, o halipalada'ay a tamdaw i, misawidang ko tamdamdaw.

Taneng 19:6 Iomraidhean Croise

'Olic 45:12

O tatayra i tisowanan a pangiraw ko Tiri a tamdaw, o mamilongoc ko cidafongay a tamdaw to pisanga'ay iso i cangraan.

Taneng 16:15

O lipahakay a pising no hongti ko sakaci'orip no tamdaw, matiya o mihawikiday a to'em to 'orad i katiposan ko sini'ada ningra.

Taneng 17:8

O pinengneng no pa'alofoay a tamdaw i, o tadamaanay konini a dmak ako, malahci a ma^min ko nisahalakaan ako a dmak saan.

Taneng 18:16

O sapakaolah no tamdaw a maamaan i, o sakakakahad no lalan ningra, makrid cingra a mapatayra i ka'ayaw no tadamaamaanay a tamdaw.

Taneng 19:12

Ano makter ko hongti i, matiya o piltoh no layon, nikawrira, o sini'ada ningra i, matiya o misngeray to talod a 'arsing.

Taneng 21:14

Ano padokdok han a pafli to sapakaolah i, ma^deng a mapatrep ko kter, ano pa'alofoen to payso i, ma^deng a mapatrep ko marafrafay a kter.

Taneng 29:26

Mangalay ko tamdamdaw to sini'ada no mikowanay, ano so'linen a somowal i, deng o Tapang ko palowaday to mo^celay.

Matay 2:11

Comod sa cangra i loma' i, ma'araw nangra koya Wawa ato ina Ningra ci Mariya. Pitosor sa cangra a mita'ong toya Wawa. Fohat sato cangra to padafongan a pafli i cingraan to tada^kim ato tada^xiw ato mir.

Loma 6:23

O hci no raraw i, o patay. Nikawrira, o sapafli no Kawas i titaanan a mikomi i, o mida'ocay a 'orip to nano nika laccay ita ato Tapang ita ci Yis Kristoan.