Taneng 19:11 - 阿美語聖經-新約附詩篇箴言

¹¹ O citanengay a tamdaw i, caay ka narikay a makter, caay pikadkad to patlac no tamdaw, o katadamaan ningra konini.

Taneng 19:11 Iomraidhean Croise

Taneng 11:13

O mangoyosay a tamdaw i, malsa' ko nisimedan ningra a dmak, nikawrira, misimed to dmak ko so'linay a tamdaw.

Taneng 12:16

Ano makter ko maapaay a tamdaw i, tangsol sa a patalahkal to kter ningra, nikawrira, trep sa a mihadidi to pisamsam no tao ko citangalay a tamdaw.

Taneng 14:29

O caay ka narikay a makter a tamdaw i, o citanengay a tamdaw, o karakteray a tamdaw i, o patalahkalay to apa ningra.

Taneng 15:18

O karakteray a tamdaw i, mipalowad to sakacacolicoli, o pakahadidiay a tamdaw i, o misanga'ay to sakararihaday.

Taneng 16:32

O kodaitay a faloco' i, ikaka no cicdiay a sofitay ko nika ci'icel, o paka'emetay to tireng i, ikaka no mi'afasay to niyaro' ko nika ci'icel.

Taneng 17:14

Matiya o nifowahan a nanom ko satapangan no kacacolicoli, orasaka, i 'ayaw no kacacoli i, 'meten ta caay pistol ko kacacoli.

Taneng 20:22

Aka pito^to kiso a mico'ay to 'ada iso, ti'eren a mitala ko Tapang, caay ka ^ca ka patado Cingra i tisowanan a mico'ay.

Taneng 20:3

Palowad to sakacacoli ko maapaay a tamdaw, nikawrira, o caay pipalowad to sakacacoli i, o sakatadamaan noya tamdaw.

Taneng 25:21

Ano macahiw ko 'ada iso i, pakaenen cingra, ano maso'aw cingra i, pananomen.

Taneng 29:11

Mipatalahkal to kter ningra ko maapaay a tamdaw, nikawrira, i faloco' sa to kter a masinanot ko mo^celay a tamdaw.

Ifiso 4:32

Kasasini'ada'ada, kasasipa'ayaw kamo. Kasasihpol kamo to raraw a matiya o pihpol no Kawas to raraw namo pakayni ci Kristoan.

Yakop 1:19

Kaolahan ako a salikaka, o sasongila'en ita a ma^min ko pitngil to sowal no tao. Aka ka tangsol a somowal. Aka ka tangsol a makter. Haratengen konini a sowal.