Taneng 19:1 - 阿美語聖經-新約附詩篇箴言

¹ Ano pakosiyasiya ko 'orip ano mo^cel ko dmak i, ikaka no misa'fitay maapaay a tamdaw ko nika nga'ay.

Taneng 19:1 Iomraidhean Croise

'Olic 26:11

Nikawrira, kako to no mako i, o mo^celay ko dmak ako, nanay kaadayayenho kako, pa'oripenho kako.

'Olic 37:26

O halipadahofay ko mo^celay a tamdaw, caay ka 'idi cingra a pacaliw i taowanan, saka, o mamalmed ko wawawawa nangra a ma^min.

Taneng 12:26

O mo^celay a tamdaw i, o nga'ayay a singsi ato widang no fiyafiyaw, nikawrira, pamoraraw to lalan ko tatiihay a tamdaw.

Taneng 14:2

O mo^celay ko dmak a tamdaw i, o mangodoay to Tapang, o ma'akongay ko dmak a tamdaw i, mi^pec to Tapang.

Taneng 15:16

O nika lapakosiya a mita'ong to Tapang ko nga'ay to nika cidafong a adihay ko rawraw no faloco'.

Taneng 16:8

Ka o mo^celay ko dmak to nika ^ca ka hakowa ko kinaira, mana'ay to nika caay ka mo^cel a adihay ko kinaira.

Taneng 19:22

O kakangodoan ko nika 'anof, o a ikaka no pakosiya a tamdaw ko nika nga'ay no misamangahay a tamdaw.

Taneng 20:7

Mo^cel ko dmak no so'linay a tamdaw, malmed ko tlotloc ningra.

Taneng 28:6

Ano pakosiyasiya ko 'orip ano mo^celay ko dmak ningra i, ikaka noya cidafongay a misafana'ay a tamdaw ko nika nga'ay ningra.

Taneng 4:24

Aka pasowal to caay ko so'linay a sowal, aka pasowal to mangah a sowal.

Matay 16:26

Ano ci^ta^tan ko cima a tamdaw to polong no hkal i, nikawrira, ano mafalah ningra ko 'orip no tireng i, o maan ko ^poc saw? O maanho ko sapalolol ningra to 'orip no tireng?