Taneng 18:6 - 阿美語聖經-新約附詩篇箴言

⁶ Ano caciyawho ko maapaay a tamdaw i, mipalowad to sakacacolicoli, pasowal saho cingra i, irato ko mamisti'.

Taneng 18:6 Iomraidhean Croise

Taneng 12:16

Ano makter ko maapaay a tamdaw i, tangsol sa a patalahkal to kter ningra, nikawrira, trep sa a mihadidi to pisamsam no tao ko citangalay a tamdaw.

Taneng 13:10

O palowaday to sakacacoli ko misatakaraway a faloco', o citanengay a tamdaw i, mitngil to pisalof no tamdaw i cingraan.

Taneng 14:16

Miliyas to sakalatiih ko citanengay a tamdaw, nikawrira, pakonahira sa ko maapaay a tamdaw a misacimacima.

Taneng 14:3

Mararid a matefoc ko maapaay a tamdaw to nano nika lata'ang ningra, o citanengay a tamdaw i, madipot no sowal ningra ko tireng ningra.

Taneng 17:14

Matiya o nifowahan a nanom ko satapangan no kacacolicoli, orasaka, i 'ayaw no kacacoli i, 'meten ta caay pistol ko kacacoli.

Taneng 19:19

O karakteray a tamdaw i, o mamilayap cingra to hci no tatiihay a dmak ningra, ano pa'adingen iso cingra i, sariyariyaden a mipa'ading cingra.

Taneng 19:29

O malata'angay a tamdaw i, o mamatfoc cingra. O maapaay a tamdaw i, caay ko mamaliyas ningra ko sasti'.

Taneng 20:3

Palowad to sakacacoli ko maapaay a tamdaw, nikawrira, o caay pipalowad to sakacacoli i, o sakatadamaan noya tamdaw.

Taneng 22:10

Laplapen ko malata'angay a tamdaw, ta mapatrep ko kacacolicoli ato kala'odo'odot ato malalikalikafay a dmak a ma^min.

Taneng 25:24

O nika itira i ciko no fadahong no loma' a maro' ko nga'ay, to nika laccay a maro' to karapo'iyay a fafahi.

Taneng 27:3

Tadaikaka no karteng no fokloh ato tafok ko nika karteng no pades to nano nika apa.

Taneng 29:9

Ano pakokoten no citanengay a tamdaw ko maapaay a tamdaw i, awaay ko ^poc, deng satawatawa sa cingra a mapoi' a ccay.