Taneng 17:3 - 阿美語聖經-新約附詩篇箴言

³ O namal i parod ko sapi'olac to tada^kim ato ^kim. O Tapang ko milifetay to faloco' no tamdaw.

Taneng 17:3 Iomraidhean Croise

'Olic 139:23

Kawasaw, nanay hapinangen Iso ko faloco' ako, kafana' to harateng ako, nanay lifeten Iso kako, sapsapen ko faloco' ako.

'Olic 26:2

Tapangaw, nanay hapinangen Iso kako, lifeten kako, nanay hapinangen Iso ko faloco' ato harateng ako.

'Olic 66:10

Kawasaw, o nilifetan Iso kami, matiya o pi'olac to ^kim ko pilifet Iso i tamiyanan.

Taneng 15:11

O kaitiraan no mapatayay ato katkopan i, o nikowanan no Tapang, maanen no tamdaw a misimed i ka'ayaw no Tapang ko niharatengan Ningra saw?

Taneng 16:2

O harateng no tamdaw i, matamaay ko polong no nidmakan ako saan, nikawrira, mahapinang no Tapang ko lalngatan no faloco' ningra.

Taneng 17:2

O citangalay a koli i, o mamikowan to caay ka fana' to ngodo a wawa no tawki ningra, o romasato o mamikapot cingra toya malikakaay a mililam to omah no tawki.

Taneng 21:2

O harateng no tamdaw i, matamaay a ma^min ko no mako a dmak saan, nikawrira, mihapinang ko Tapang to rarangian no dmak ningra.

Taneng 27:21

O namal i parod ko sapi'olac to tada^kim ato ^kim. O pihmek no tao ko sapilifet to tadamaanay a pinangan no tamdaw.

1 Pitiro 1:7

O patosokan no nika pades namo i, o pilifet to piti'er namo ci Kristoan. Ta mahapinang ko so'linay a piti'er namo. Matiya o pi'olac to tada^kim a mitodoh ko pilifet tamowanan. Tadaikakaay no tada^kim ko nika o kakalimlaan ko nipiti'er namo ci Kristoan. Saka, o lalifelifeten aca ko piti'er namo. Ta caay ka lasawad konini. Ta ano talahkalto ci Yis Kristo i, makahmek, ci'dil, tadamaan kamo.

Pa'arawan 2:23

O papatayen Ako ko nisawawaan noya fafahiyan. Ta mafana' ko kalokiwkay to nika o minikiway Kako to laloma' no faloco' no tamdaw. O dmak no kahaccaccay namo ko pi'arawan Ako a pafli to tatodong.