Taneng 17:10 - 阿美語聖經-新約附詩篇箴言

¹⁰ Ano kapo'iyen to ccay a sowal ko citanengay a tamdaw i, ikaka no pisti' to smo'ot (100) i maapaay a tamdaw ko nika ci^poc.

Taneng 17:10 Iomraidhean Croise

'Olic 141:5

Mangalay kako a milayap to sida'itay a pisti' no mo^celay a tamdaw, caay ka ngalay kako to nika ngodo no tatiihay a tamdaw i takowanan, nawhani mararid kako i pitolon ako a pacoli to tatiihay a dmak nangra.

Taneng 13:1

O citanengay a wawa i, mitngil to pipasifana' no mama ningra, nikawrira, o malata'angay a tamdaw i, caay pitngil to pitoro' no tamdaw to patlac ningra.

Taneng 15:5

Mi^pec to pasifana' no mama ko maapaay a tamdaw, mica'dong to sowal no mama ko mafana'ay a tamdaw.

Taneng 17:11

O tatiihay a tamdaw i, sarocod sa a midmak to tatiihay, saka o mamatiya o ma'edesay a coyoh ko patay a tayra i cingraan.

Taneng 17:9

O misololay to patlac no tao i, o palowaday to sakasasiolaolah no tamdamdaw, o caay pitawal a mi'intel to katlangay a dmak i, o palasawaday to kalawidang.

Taneng 19:25

Sti'en ko malata'angay a tamdaw ta, mapalal ko maapaay a tamdaw. Salofen a pa'icel ko citangalay a tamdaw ta, matongal ko nika citangal ningra.

Taneng 27:22

Ano samaamaanento ko pasifana' to maapaay a tamdaw i, oyananto ko nika apa ningra.

Taneng 29:19

Ano tanosowal han ko pipasifana' to koli a tamdaw i, ano mafanafana' cingra a mitngil caay pilingwa.

Pa'arawan 3:19

Kakteren Ako a palatamdaw ko kaolahan Ako a tamdaw. Orasaka, aka ka 'isang kiso, pasasiyoren ko faloco' iso.