Taneng 14:8 - 阿美語聖經-新約附詩篇箴言

⁸ O taneng no citangalay a tamdaw ko sakapakatama ningra to rarakaten ningra a lalan, o apa no mafolaay a tamdaw ko sapisafana' ningra to tireng ningra.

Taneng 14:8 Iomraidhean Croise

'Olic 111:10

O tatapangan no sakacitaneng ko nika ngodo to Tapang, paflien Ningra to taneng ko mido^doay to limo'ot Ningra a tamdaw. O papahmeken a tahada'oc Cingra.

'Olic 119:5

Mangalay kako a so'lin ko faloco' a mido^do to rikec Iso.

'Olic 119:73

O misanga'ay, o midipotay Kiso i takowanan, nanay paflien kako to sakafana' ako a minanam to rikec Iso.

'Olic 143:8

Nanay papiharatengen kako to romi'ami'ad toya caay ka falic a olah Iso, nawhani o miti'eray kako i Tisowanan. Nanay pahapinangen kako to rarakaten ako a lalan, nawhani o kacifaloco'an ako Kiso.

Taneng 11:18

Awaay ko ^poc to nikarorayan no tatiihay a tamdaw, o mo^celay ko dmak a tamdaw i, o papakalayap cingra to so'linay a sapakaolah.

Taneng 12:5

O mo^celay a tamdaw i, o milalenay ko dmak to saki tamdaw, o sapisa'fitaw to tamdaw ko nisahalakaan no tatiihay a tamdaw.

Taneng 15:21

O mafokilay a tamdaw i, malipahak to apa ningra, o citanengay a tamdaw i, mo^cel ko dmak ningra.

Taneng 2:9

Ano mitngil kiso to sowal ako i, mafana'to kiso to nika o maan ko so'linay ato malalenay ato mo^celay a dmak, mafana'to kiso to nika o maan ko nga'ayay a dadmaken.

Taneng 8:20

I mo^celay a lalan kako a romakat, romakat kako i marayasay a lalan.

1 Korinto 3:19

Nawhani o taneng hananay no aniniay a tamdaw i, o maapaay a nengnengen no Kawas. Mahaen ko sowal a matilid i Fangcalay Cudad, <> saan.

Ifiso 4:22

Orasaka, hlongen ko mipoheday to 'orip namo a <>. Onini a katlangay a faloco' i, o nano masawiay no 'anof no tireng a malamaponi'ayto.

Ifiso 5:17

Orasaka, aka ka apa kamo. Kafana' kamo to nika o maan ko nafaloco'an no Tapang.

2 Timoti 3:13

Oya tatiihay a tamdaw ato misa'fitay a tamdaw i, tatiih a tatiih cangra. O mamisa'fit cangra to tao. O mamasa'fit no tao cangra.

Yakop 3:13

Ira i tamowanan ko citanengay ato mafana'ay a tamdaw haw? Ano ira i, o pipatiri' ningra tonini i nga'ayay a dmak pakayni i nika damsay no faloco' ningra ato nika citaneng ningra ko nga'ay.