Taneng 13:7 - 阿美語聖經-新約附詩篇箴言

⁷ O cidafongay a tamdaw kako saan ko roma a tamdaw, 'arawhani awaay ko maan aca ningra. O pakosiya a tamdaw kako saan ko roma a tamdaw, 'arawhani adihay ko dafong ningra.

Taneng 13:7 Iomraidhean Croise

Taneng 11:24

O halipalada'ay a tamdaw i, matongal a matongal ko nika kadofah ningra, o ma'idiay a pasadak to ccaccay aca a tampiya i, mangalef a mangalef ko nika lapakosiya ningra.

Taneng 12:9

O ma^pecay no tao a tamdaw i, ci koliho cingra, ikaka noya misatakaraway a misalata'ata'ang a macahiway a tamdaw ko nika nga'ay.

Taneng 13:11

Ano caay ko nika rorayan iso ko sakacidafong iso i, ranikay a malasawad, ano nano nika rorayan iso ko sakacidafong iso i, caay ko mamalasawad ko dafong iso.

Taneng 13:8

O cidafongay a tamdaw i, o payso ningra ko sapi'aca to tireng ningra, nikawrira, awaay ko mipatalaway to pakosiya a tamdaw.

Luka 12:20

Nikawrira, sowal sa ko Kawas i cingraan, han no Kawas.

Luka 12:21

<> han ni Yis.

Luka 12:33

Pacakayen ko dafong namo a malosapalada' i pakoyoc a tamdaw. Sanga'en ko caay ko mamapenay a malopapaysoan namo. Na'angen i kakarayan ko caay ko mamalasawad a malodafong namo. Nawhani caay ko mamaraod no mitakaway, caay ko mamakaen no aayad itira.

1 Korinto 4:8

Marnecto kamo. Malacidafongayto kamo. Saka, wanik han namo kami a malahongti. O longoc ako i, o nika so'lin namo a malahongti ko nga'ay ta manga'ay kami a mikapot i tamowanan a malahongti.

2 Korinto 4:7

Nikawrira, matiya o sra a koreng kami. Ira i tamiyanan konini a tadamaanay a dafong. O kacipinangan konini to nika o nai Kawasay konini a tadamaanay a 'icel, caay ko nano niyam.

2 Korinto 6:10

Mato mararomay kami, nikawrira, mararid kami a lipahak. Mato pakoyoc kami, nikawrira, mapakacidafong niyam ko 'alomanay a tamdaw. Mato awaay ko maan aca niyam. Nikawrira, adihay ko maamaan niyam.

Yakop 2:5

Kaolahan ako a salikaka, pitngil to sowal ako. Pili'en no Kawas ko pakoyocay a tamdaw nonini a hkal a palatadamaanay ko piti'er a papikowan to kitakit Ningra, o nano nisowalan Ningra i maolahay Cingraan a tamdaw konini a Kitakit.

2 Pitiro 2:19

Mapakoniraayto kamo saan cangra a mikton to sowal. 'Arawhani, o koliho no mitkopay a dmak cangra o misawiay. Nawhani ano mapalit no maan ko tamdaw i, o koli noya mipalitay cingra.

Pa'arawan 2:9

mafana' Kako to nika pades ato nika lapakoyoc iso. Nikawrira, ano so'linen ko sowal i, o cidafongay kiso! Mafana' Kako to pilokes noya caay ko Yutaya a tamdaw i, o Yutaya kako sanay a masakapotay ni Satan tisowanan!

Pa'arawan 3:17

O cidafongay kako, macakatay ko 'orip ako, awaay ko kacango'otan ako to maamaan saan kiso. 'Arawhani, caay ka fana' kiso to nika o kakasini'adaan, o kakaadayayan, o pakoyocay, o mapohaway, o mawacayay kiso.