Taneng 13:18 - 阿美語聖經-新約附詩篇箴言

¹⁸ O mamalapakosiya a mapakangodo ko mana'ayay a salofen, nikawrira, o kahmekan no tamdaw ko mitngilay to pisalof no tamdaw.

Taneng 13:18 Iomraidhean Croise

'Olic 141:5

Mangalay kako a milayap to sida'itay a pisti' no mo^celay a tamdaw, caay ka ngalay kako to nika ngodo no tatiihay a tamdaw i takowanan, nawhani mararid kako i pitolon ako a pacoli to tatiihay a dmak nangra.

Taneng 12:1

O maolahay a mafana' a tamdaw i, maolah a milayap to sifana', mi'intel to misalofay a pa'icel ko maapaay a tamdaw.

Taneng 13:13

O mi^pecay to sifana' i, o mamapades cingra, nikawrira, o mido^doay to limo'ot i, rihaday ko 'orip ningra.

Taneng 13:19

Ano malahci ko kacifaloco'an i, lipahak ko faloco', nikawrira, caay ka kahi a miliyas to tatiihay ko maapaay a tamdaw.

Taneng 13:25

O mo^celay a tamdaw i, caay ka cango'ot to kakaenen, o tatiihay a tamdaw i, mararid a macahiw.

Taneng 15:5

Mi^pec to pasifana' no mama ko maapaay a tamdaw, mica'dong to sowal no mama ko mafana'ay a tamdaw.

Taneng 19:6

O tadamaanay a tamdaw i, ta'ongen no tamdamdaw, o halipalada'ay a tamdaw i, misawidang ko tamdamdaw.

Taneng 25:12

Ano mitngil ko tamdaw to misalofay a sowal no matanengay a tamdaw, ikaka no pilayap ningra to so'linay a tada^kim a fiting ato odo' ko nika ci^poc.

Taneng 9:9

Ano pasifana'en ko citanengay a tamdaw i, matongal ko nika citaneng ningra, ano pasifana'en ko mo^celay a tamdaw i, matongal ko nika citangal ningra.

Hipray 12:25

Pina'on kamo. Latek malama'osiay kamo a mitngil to sowal no pasowalay. Nawhani o ma'osiay a mitngil to sowal no pasowalay to sowal no Kawas i tini i hkal i, awaay ko pakayraan nangra a miliyas to tfoc. Ano misiikor kita to nai kakarayanay a pasowalay i, mangalef ko nika awato no pakayraan ita a miliyas.