Taneng 12:4 - 阿美語聖經-新約附詩篇箴言

⁴ O citanengay a fafahi i, o kacihrangan no fa'inay ningra, o pakangodoay a fafahi i, matiya o i kmoday no 'okak no fa'inay ningra a tatiihay a ^kang.

Taneng 12:4 Iomraidhean Croise

Taneng 11:22

Ano makapakapah ko fafahiyan ano caay ka fana' to maan aca i, matiya o cikadangay to ^kim ko ngoso' a diyong cingra.

Taneng 12:5

O mo^celay a tamdaw i, o milalenay ko dmak to saki tamdaw, o sapisa'fitaw to tamdaw ko nisahalakaan no tatiihay a tamdaw.

Taneng 14:1

O citanengay a fafahiyan i, mipatireng to loma', o maapaay a fafahiyan i, to^to saan a mipleng to loma'.

Taneng 14:30

O nika sinanot no faloco' i, o sakatanektek no tatirengan, o ma'inapay a faloco' i, o i laloma'ay no 'okak a ^kang.

Taneng 18:22

O cifafahiyay to citanengay a fafahi i, awaay ko tolas a malmed, mahapinang ko sini'ada no Tapang a palmed i cangraan.

Taneng 21:19

O nika itira i kohkohan a maro' ko nga'ay to nika laccay a maro' atoya karapo'iyay a karangaliwngiway a fafahi.

Taneng 21:9

O nika itira i ciko no fadahong no loma' a maro' ko nga'ay, to nika laccay a maro' to karapo'iyay a fafahi.

Taneng 30:23

o kaciramod no ka'osian a fafahiyan, maclol no fafahiyan a koli ko fafahiyan a tawki.

Taneng 31:29

<<'Aloman ko matanengay a fafahiyan, deng kiso a ccay ko ikakaay nangra,>> saan.

1 Korinto 11:11

Nikawrira i tini i mitooray to Tapang i, o mamasasidama ko fa'inayan ato fafahiyan.

1 Korinto 11:7

O pahapinangay to faco ato nika tadamaan no Kawas ko fa'inayan. Saka, yo mitolon, yo mipakimad cingra i, caay ka nga'ay a cikafong cingra. Nikawrira, o pahapinangay to nika tadamaan no fa'inayan ko fafahiyan.