Taneng 12:3 - 阿美語聖經-新約附詩篇箴言

³ Caay ko rarihaday ko tatiihay ko dmak a tamdaw, o mo^celay a tamdaw i, tanektek a caay ka ngiyangi.

Taneng 12:3 Iomraidhean Croise

'Olic 15:5

Ano pacaliw cingra to payso i taowanan i, caay piala to wawa no payso, caay piala cingra to sapa'alofo a miri'ang to awaay ko raraw a tamdaw. O matiniay ko dmak a tamdaw i, caay ko mamatfad a tahada'oc.

Taneng 10:25

Ano ira ko faliyos i, mafret ko tatiihay a tamdaw, nikawrira, tanektek a tahada'oc ko mo^celay a tamdaw.

Taneng 11:5

O nika so'lin no mo^celay a tamdaw ko sakaromakat ningra i marayasay a lalan, nikawrira, o dmak no tatiihay a tamdaw ko sakatkop ningra.

Taneng 12:12

Sapi'afasan to tama' no tatiihay a tamdaw ko ma'desay a tamdaw, o mo^celay a tamdaw i, tanektek a caay ka ngiyangi.

Ifiso 3:17

Nanay pakayni i piti'er namo ko sakamaro' ni Kristo i faloco' namo. Nanay o olah Ningra ko palamitan ato katanektekan no faloco' namo.

Kolosay 2:7

Kai ci Kristoan a palamit a mapatireng kamo. Do^doen ko nipasifana'an no singsi i tamowanan a patanektek to piti'er namo. O romasato, nanay matongal a matongal ko nipikansiya namo to Kawas.