Taneng 12:16 - 阿美語聖經-新約附詩篇箴言

¹⁶ Ano makter ko maapaay a tamdaw i, tangsol sa a patalahkal to kter ningra, nikawrira, trep sa a mihadidi to pisamsam no tao ko citangalay a tamdaw.

Taneng 12:16 Iomraidhean Croise

Taneng 10:12

Mipalowad to sakacacolicoli ko 'intel, nikawrira, ma^deng a mitahpo to polong no patlac ko olah.

Taneng 12:17

O so'linay a sowal i, o pahapinangay to mo^celay a dmak, o misamangahay a pawacay i, o miri'angay to awaay ko raraw a tamdaw.

Taneng 14:33

Ira i faloco' no citanengay a tamdaw ko fana' ningra, nikawrira, awa ko fanafana' no maapaay a tamdaw.

Taneng 16:22

O taneng no citangalay a tamdaw ko tatapangan no nemnem no 'orip ningra, nikawrira, awaay ko ha^poc to pitfoc to maapaay a tamdaw.

Taneng 17:9

O misololay to patlac no tao i, o palowaday to sakasasiolaolah no tamdamdaw, o caay pitawal a mi'intel to katlangay a dmak i, o palasawaday to kalawidang.

Taneng 25:28

O karafirangay a tamdaw i, matiya o caay ka ci'adipel a niyaro', narikay a malowid no tao a mipleng.

Taneng 27:3

Tadaikaka no karteng no fokloh ato tafok ko nika karteng no pades to nano nika apa.

Taneng 29:11

Mipatalahkal to kter ningra ko maapaay a tamdaw, nikawrira, i faloco' sa to kter a masinanot ko mo^celay a tamdaw.

Yakop 1:19

Kaolahan ako a salikaka, o sasongila'en ita a ma^min ko pitngil to sowal no tao. Aka ka tangsol a somowal. Aka ka tangsol a makter. Haratengen konini a sowal.