Taneng 11:13 - 阿美語聖經-新約附詩篇箴言

¹³ O mangoyosay a tamdaw i, malsa' ko nisimedan ningra a dmak, nikawrira, misimed to dmak ko so'linay a tamdaw.

Taneng 11:13 Iomraidhean Croise

Taneng 10:19

O karacaciyaway a tamdaw i, o sakaciraraw ningra, o paka'metay to ngoyos no tireng i, o citanengay.

Taneng 11:12

Milokes to fiyafiyaw ko caay ka fana' to maan aca a tamdaw, nikawrira, trep sa a caay ka caciyaw ko citanengay a tamdaw.

Taneng 12:23

Misimed to fana' ningra ko citangalay a tamdaw, mipatalahkal to fokil ningra ko maapaay a tamdaw.

Taneng 14:5

O tati'eren ko pipawacay no so'linay a tamdaw, o kaniw ko pipawacay no misasamangahay a tamdaw.

Taneng 19:11

O citanengay a tamdaw i, caay ka narikay a makter, caay pikadkad to patlac no tamdaw, o katadamaan ningra konini.

Taneng 20:19

O mirarakatay a milikaf to tao i, o mamalsa' ko nisimedan ningra a dmak, aka pisawidang to karangoyosay a tamdaw.

Taneng 25:9

Ano ira ko maan a kacacolian iso ato fiyaw iso i, lonok han a malarihaday. Aka palsa' to nisimedan a dmak no tao,

1 Timoti 5:13

O romasato, mananam cangra a matoka, mirarakat to lomaloma' a misalama. Caay konini a ccay. Malaymay cangra a somowal to masamaamaanay to caay ko sasowalen a sowal a micara to tao.