Taneng 10:8 - 阿美語聖經-新約附詩篇箴言

⁸ O citanengay a tamdaw i, milayap to limo'ot, o maapaay ko sowal i, o sakatfad ningra.

Taneng 10:8 Iomraidhean Croise

'Olic 119:34

Nanay tadtaden a pasifana' kako to rikec Iso, mangalay kako a ma'imer a masarocod ko faloco' a mido^do.

Taneng 1:5

O sakatongal no fana' no citanengay a tamdaw ato sakacilalan no faloco' no citangalay a tamdaw konini

Taneng 10:10

O misimeday to so'linay a dmak i, o palowaday to sakacacolicoli, o maapaay ko sowal i, o sakatfad ningra.

Taneng 10:14

Misoped to fana' ko citangalay a tamdaw, yo caciyaw saho ko maapaay a tamdaw i, o sakapades ningra.

Taneng 12:1

O maolahay a mafana' a tamdaw i, maolah a milayap to sifana', mi'intel to misalofay a pa'icel ko maapaay a tamdaw.

Taneng 12:13

O ngoyos no tatiihay a tamdaw ko sakatfad ningra a tahatalakal, sanga'ay sa ko piliyas no mo^celay a tamdaw to pades.

Taneng 13:3

O mina'onay to sowal a tamdaw i, o limlaay to 'orip, nikawrira, o pacfa sanay a somowal i, o mitkopay to tireng ningra.

Taneng 14:23

O malalokay a matayal a tamdaw i, caay ka rawraw to saka'orip, o saromi'ami'ad sanay a misacaciyaw i, o mamalapakosiya.

Taneng 14:8

O taneng no citangalay a tamdaw ko sakapakatama ningra to rarakaten ningra a lalan, o apa no mafolaay a tamdaw ko sapisafana' ningra to tireng ningra.

Taneng 9:8

Saka, aka pitoro' to patlac no malata'angay a tamdaw, nawhani o mami'intel cingra i tisowanan, ano pasifana'en iso ko citanengay a tamdaw i, o kakaolahen ningra kiso.

Taneng 9:9

Ano pasifana'en ko citanengay a tamdaw i, matongal ko nika citaneng ningra, ano pasifana'en ko mo^celay a tamdaw i, matongal ko nika citangal ningra.

Yakop 3:13

Ira i tamowanan ko citanengay ato mafana'ay a tamdaw haw? Ano ira i, o pipatiri' ningra tonini i nga'ayay a dmak pakayni i nika damsay no faloco' ningra ato nika citaneng ningra ko nga'ay.