Taneng 10:3 - 阿美語聖經-新約附詩篇箴言

³ Caay pacahiwen no Tapang ko mo^celay a tamdaw, caay pihayda Cingra to kangalayan no tatiihay a tamdaw.

Taneng 10:3 Iomraidhean Croise

'Olic 10:14

Nikawrira, matapalto Iso konini a ma^min, miharatengay Kiso to mapadesay ato mararomay a tamdaw, mararid Kiso a sapipadamaan. Mitadi'ec i Tisowanan ko pakosiya ato awaay ko palawinaan a tamdaw, nawhani pasayra Kiso a mipadama to awaay ko palawinaan a pakoyoc a wawa a tamdaw.

'Olic 112:10

Minengneng ko tatiihay a tamdaw to nika cakat no mo^celay a tamdaw i, matlii cangra, mingric cangra to wadis a makter ta matkop, malasawadto ko pafaloco'an nangra.

'Olic 33:19

Pa'oripen Ningra cangra a paliyas nai patay, yo makdal i, pa'oripen Ningra cangra.

'Olic 37:19

Ano kapadesanto nangra i, caay ka maan cangra, ano kakdalanto i, o mamafcol cangra.

'Olic 37:25

Nano ka^mangan ako a tahanini i nika to'as ako i, awaho a ma'araw ako ko mafalahay no Tapang a mo^celay a tamdaw, awaayho a ma'araw ako ko miki'a'amay a wawa nangra.

'Olic 37:3

Orasaka, ti'eren ko Tapang, ka o nga'ayay ko dmak, ta marihaday kamo a maro' tonini a sra.

Taneng 13:25

O mo^celay a tamdaw i, caay ka cango'ot to kakaenen, o tatiihay a tamdaw i, mararid a macahiw.

Taneng 14:32

O miforiforay a dmak no tatiihay a tamdaw ko sakatkop ningra, ano miso'aya'ayaw to patay ko mo^celay a tamdaw i, o mamadipot cingra.

Taneng 28:25

O ma'anofay ko faloco' a tamdaw i, mipalowad to sakacacolicoli, nikawrira, o miti'eray to Tapang i, awaay ko patolasan no nika kadofah ningra.

Taneng 28:9

Ano caay pido^do to rikec i, ma'osi ko Kawas to pitolon ningra.

Luka 12:31

Kapilongoc kamo to sakalahciaw no pikowan no Kawas, ta halonini a saka'orip a ma^min a mapafli no Kawas kamo.