Taneng 10:16 - 阿美語聖經-新約附詩篇箴言

¹⁶ O caci'orip ko nga'ayay ko dmak a tamdaw, o mamatongal ko raraw no tatiihay a tamdaw.

Taneng 10:16 Iomraidhean Croise

Taneng 11:30

O cacihci to ma'oripay a kilang ko mo^celay a tamdaw, o mamihaklong ko tamdamdaw to citanengay a tamdaw.

Taneng 21:21

O milongocay to mo^cel ato adayay ko faloco' a tamdaw i, o kako'daw ko 'orip ningra, o kakangodoan no tamdamdaw cingra.

Matay 15:19

Nawhani nai faloco' no tamdaw a masadak ko masamaamaanay a tatiihay a harateng. Onini a tatiihay a harateng ko sakapipatay ningra to tamdaw, o saka'odang, o saka'otit, o sakapitakaw, o sakapisamangah ato sakapilokes ato romaroma a raraw,

Yohani 6:27

Aka ka tayal kamo to sapialaaw to mamalahdaw a kakaenen. O nika pisa'icel a matayal to sakaci'orip to mida'ocay ko nga'ay. Onini a kakaenen ko sapafli no Wawa no Tamdaw i tamowanan, nawhani matopaayto no Wama a Kawas ko Wawa no Tamdaw konini a dmak,>> han Ningra.

Loma 6:23

O hci no raraw i, o patay. Nikawrira, o sapafli no Kawas i titaanan a mikomi i, o mida'ocay a 'orip to nano nika laccay ita ato Tapang ita ci Yis Kristoan.

1 Korinto 15:58

Orasaka, kaolahan ako a salikaka, katanektek a tomireng. Aka ka ngiyangi. Mafana' kamo to nika caay ko a awa ko ^poc no nikarorayan namo a matayal to no Tapang. Saka, kararid a misa'icel to tayal no Tapang.

2 Timoti 3:13

Oya tatiihay a tamdaw ato misa'fitay a tamdaw i, tatiih a tatiih cangra. O mamisa'fit cangra to tao. O mamasa'fit no tao cangra.

Hipray 6:10

O mo^celay ko Kawas saka, caay ka tawal Ningra ko nano tayal namo ato nipipatalahkal namo to olah i Cingraan i tini i nipipadama namo to mitooray ato nika tahanini nora dmak namo.