Taneng 10:12 - 阿美語聖經-新約附詩篇箴言

¹² Mipalowad to sakacacolicoli ko 'intel, nikawrira, ma^deng a mitahpo to polong no patlac ko olah.

Taneng 10:12 Iomraidhean Croise

Taneng 15:18

O karakteray a tamdaw i, mipalowad to sakacacolicoli, o pakahadidiay a tamdaw i, o misanga'ay to sakararihaday.

Taneng 16:27

O mari'angay a tamdaw i, misahalaka to sapiri'angaw to tamdaw, matiya o mitodohay a namal ko sowal ningra.

Taneng 17:9

O misololay to patlac no tao i, o palowaday to sakasasiolaolah no tamdamdaw, o caay pitawal a mi'intel to katlangay a dmak i, o palasawaday to kalawidang.

Taneng 28:25

O ma'anofay ko faloco' a tamdaw i, mipalowad to sakacacolicoli, nikawrira, o miti'eray to Tapang i, awaay ko patolasan no nika kadofah ningra.

Taneng 29:22

O karakteray ko pinangan a tamdaw i, mipalowad to sakacacolicoli a misanga' to sakararawraw no dmak.

Taneng 30:33

Ano htecen ko hacol i, masadak ko simal, ano skongen iso ko ngoso' no tao i, masadak ko rmes, malcad tonini, ano makter kiso i, mapalowad ko kacacolicoli.

Yakop 4:1

O maan ko sakaira no kala'odo'odot ato kacacolicoli namo hakiya? Caay ko nano nika la'afa'afas no masamaamaanay a 'anof no faloco' namo saw?

Yakop 5:20

kafana' kamo, o mipa'oripay cingra to salo'afang noya ciraraway a tamdaw a paliyas nai patay. O romasato, o matayalay cingra to sakapihpol no Kawas to adihayay a raraw, han ko harateng namo.

1 Pitiro 4:8

O kakalimlaan a dmak i, o nika so'lin no kasasiolaolah namo. Nawhani pakayni i nika sasiolaolah namo ko sakapadeng no adihayay a raraw.