Pa'arawan 8:7 - 阿美語聖經-新約附詩篇箴言

⁷ Mila^pa koya saka ccay a coyoh, ta ira a matfad i hkal ko cicamolay to rmes a kasa'ika'ikay no so^da ato namal. Ta matodoh ko ccay no kalitolo no hkal. Matodoh ko ccay no kalitolo no kilakilang. Matodoh a ma^min ko kangdaway a talod.

Pa'arawan 8:7 Iomraidhean Croise

'Olic 105:32

Sano'orad han Ningra a mitfad ko kasa'ika'ikay no so^da, tfaden haca Ningra ko fitili' a papiasik to polong no kitakit.

Yakop 1:11

Masadak ko cidal a mitarang i, ma'icang ko rngos. Marasras ko hana. Malasawadto ko nika kapah nira. Mahaenay ko cidafongay a tamdaw. Yo caho ka lahci ko tayal ningra i, o mamalasawad cingra.

1 Pitiro 1:24

Nawhani o sowal a matilid i Fangcalay Cudad i, <

Pa'arawan 12:4

Asik han no wikol nira ko ccay no kalitolo (1/3) no fo'is i kakarayan a mifahkol i hkal. Tomireng koya kangic i ka'ayaw noya mamahofoc a fafahiyan. Mitala ciira itira to sakakomaenaw nira to nihofocan noya fafahiyan a wawa.

Pa'arawan 16:2

Saka, sadak sa ko saka ccay a coyoh a mitaktak i hkal to nitatoyan ningra a wakong. Ta 'antox ato cikaliwates koya citopaay to ngangan noya 'a'adopen atoya mita'ongay to faco noya 'a'adopen.

Pa'arawan 16:21

Matfad i tamdamdaw ko nai kakarayanay a tata'angay a kasa'ika'ikay no so^da. Ma^deng spat polo' a kongcin ko karteng no ccay a 'ikay noya so^da. Tona makari'ang no so^da ko tamdamdaw saka, milokes cangra to Kawas. Nawhani tadatata'ang ko nika kari'ang nangra.

Pa'arawan 6:8

Nengneng sa kako i, ira ko ccay a ariyahay a ^fa. O ngangan no midakaway i, ci Patay saan. Mitoor i aikor ningra ko kaitiraan no mapatayay. Mapafli cangra to sakacitodong a mipatay to tamdaw no ccay no kalispat no hkal. O kalalood, o kdal, o adada ato 'a'adopen ko sapipatay nangra.

Pa'arawan 7:1

Nanoya, ma'araw ako ko tomirengay a saspatay a coyoh i spatay a tadimocokan no hkal. Takeren nangra ko nai cowacowaay a fali to saka^caaw pifiyok to hkal ato riyar ato masamaamaanay a kilang.

Pa'arawan 9:15

Itiya i, matdal koya saspatay a coyoh. O nipatalaan cangra to ha:tiniay to mamipatay to ccay no kalitolo no tamdaw i nipatonekan a toki toya romi'ad toya folad atoya mihcaan.

Pa'arawan 9:18

Pakayni i masadakay i ngoyos noya ^fa a namal ato 'acfel ato miwarakay a 'acfel a makari'ang ko ccay no kalitolo no tamdaw i hkal a mapatay.

Pa'arawan 9:4

Mapalimo'ot caira to saka^caaw pikari'ang naira to rngos ato kilang ato masamaamaanay a molngaway. Deng o caay ka topa ko pising to satopa no Kawas a tamdaw ko kakari'angen naira.