Pa'arawan 8:3 - 阿美語聖經-新約附詩篇箴言

³ Masadak ko roma a ccay a coyoh. Mitatoy cingra to tada^kim a pa^xiwan a tomireng i ka'ayaw no pipacakatan. Mapafli cingra to adihayay a ^xiw to sapahaklong to pitolon no mitooray a ma^min a mipacakat i tada^kim a pipacakatan i ka'ayaw noya tadamaanay a 'anengang.

Pa'arawan 8:3 Iomraidhean Croise

'Olic 141:2

Nanay matiya o 'acfel no ^xiw a macakat i ka'ayaw Iso ko pitolon ako, nanay malasapato'aya to dadaya ko pipakamay ako a mitolon.

Luka 1:10

Yo pa^xiw cingra i, mitolon i papotal ko 'alomanay a finawlan.

Loma 8:34

Ano hatira, cimaho ko mamipastek to raraw nangra saw? Caayay ka ci Kristo Yis! O nano mapatayayto Cingra, nikawrira ano so'linen ko sowal i, o lomowadayto Cingra a ma'orip nai patay, ira i matini i kawanan no Kawas Cingra, oya mipatadoay i titaanan a mitolon i Kawas!

Hipray 7:25

Saka, pakafilo Cingra anini ato tahada'oc a misongila' a mipa'orip to miraoday to Kawas pakayni i Cingraan. Nawhani kala'orip han Ningra ko pipatado to tamdaw a mingitangit a mitolon to Kawas a tahada'oc.

Hipray 9:4

Ira itira ko tada^kim a pa^xiwan ato Katatlekan a Lipa. Maldef a mapata^dip to tada^kim koya Lipa. Ira i laloma' noya Lipa ko cipinaroay to mana a tada^kim a kapowa ato cico'ongay a cokor ni Aron ato tosaay a masasapaday a fokloh to citiliday to mo^tepay a limo'ot.

Pa'arawan 10:1

Ma'araw haca ako ko ccay a ci'icelay a coyoh a ma^pod nai kakarayan. Matafo no to'em cingra, ira i fafaed no fongoh ningra ko talakal ni Idek. Matiya o cidal ko pising ningra, matiya o miciro'ay a namal ko cpi' ningra.

Pa'arawan 14:18

Itiya i, ira a miraod ko ccay a coyoh nai pipato'ayaan. O citodongay to namal cingra. Lkal sa cingra a somowal toya mitatoyay a coyoh to matalemay a mamiya, <> saan.

Pa'arawan 5:8

Yo miala Cingra toya maloloday a cudad i, alatatotatoy sa to datok ato matomesay ko ^xiw a tada^kim a kapowa koya saspatay a ma'oripay atoya tosa a polo' ira ko spat a ciwlo a mihinokop i ka'ayaw noya Tofor a Siri. O nitatoyan nangra a ^xiw i, o todong no pitolon no mitooray.

Pa'arawan 6:9

Yo midohkit ko Tofor a Siri to saka lima a nitopaan i, manengneng ako i kala^no no pipato'ayaan ko salo'afang no nipatayan a tamdaw. O nano nipipasowal nangra to sowal no Kawas ato nipipawacay nangra to pakayniay i ci Kristoan ko sakapatay nangra.

Pa'arawan 7:2

O romasato, ma'araw ako ko roma a ccay a coyoh. Masadak cingra nai wali a mitatoy to satopa no ma'oripay a Kawas. Lkal sa cingra a somowal toya mapatoroday to 'icel a papikari'ang to hkal ato riyar a saspatay a coyoh.

Pa'arawan 8:4

Malahaklong ko 'acfel no ^xiw ato pitolon no mitooray a pakayra i kamay noya coyoh a macakat i ka'ayaw no Kawas.

Pa'arawan 8:5

Tatoyen noya coyoh ko pa^xiwan. Alaen ningra i pipacakatan ko namal a mitomes toya pa^xiwan, ta fahkolen ningra i hkal. Itiya i, ira ko kakleng ato harengheng ato kalapiyat ato lonen.

Pa'arawan 9:13

Mila^pa ko sakaa^nem a coyoh, ta matngil ako ko ngiha' i spatay a tadimocokan no tada^kim a pipacakatan i ka'ayaw no Kawas.