Pa'arawan 7:14 - 阿美語聖經-新約附詩篇箴言

¹⁴ <> han ako a somowal. Sowal sa cingra i takowanan, <

Pa'arawan 7:14 Iomraidhean Croise

Matay 24:21

Nawhani oya aira a pades itiya i, awaho ko hatiniay a nika tata'ang no pades nai satapangan no nipisanga' no Kawas to hkal a tahanini. O a awato i ikor ko matiniay a pades.

Maroko 13:19

Nawhani oya aira a pades toya romi'ad i, awaho ko hatiniay a nika tata'ang no pades nai satapangan no nipisanga' no Kawas to hkal a tahanini. O a awato i ikor ko hatiniay a pades.

Yohani 16:33

O sakasomowal Ako i tamowanan tonini i, o sakacirihadayaw namo tona malaccay kita. O aira ko pades namo i tini i hkal. Nikawrira, sa'icelen ko faloco', malowidayto Ako ko hkal,>> han Ningra.

Dmak 14:22

Pa'icelen nangra ko faloco' no nisawawaan to sakararidaw nangra a miti'er to Kawas. Sowal sa, <> han nangra.

Loma 5:3

Caay ka orira a ccay, halopades a kalipahaken ita. Nawhani nano nilifetan to pades ko sakakodait no faloco' ita.

1 Korinto 6:11

Hatiraay ko romaroma namo i ti:yaho. Nikawrira, pakayni i ngangan no Tapang ci Yis Kristo ato 'Adingo no Kawas ita ko sakasawsaw no raraw namo ato sakafangcal namo a mapacakat i Kawas ato sakanga'ay namo a malayap no Kawas.

2 Tisalonika 1:4

Orasaka, pasneng kami i kalokiwkay to Kawas to pakayniay i tamowanan. O nika rarid namo a mihadidi ato nipipaso'lin namo to Kawas i masamaamaanay a kari'ang ato pades namo ko kalita'angan niyam.

Hipray 13:12

O sapikoracaw ni Yis to finawlan pakayni i rmes Ningra, orasaka, mapatay Cingra i papotal no niyaro'.

Hipray 9:14

ano hatira i, caay ka ikaka no nika adihay no nilahcian no rmes ni Kristo haw? Pakayni toya mida'ocay a 'Adingo, palamasongila'ayen Ningra ko tireng a malasapato'aya a mipacakat i Kawas. O rmes Ningra ko mikoracay to nga'ayay a faloco' ita, mipalasawad to maponi'ay a pinangan ita, ta malasakanga'ay ita a matayal to mida'ocay a ma'oripay a Kawas.

1 Pitiro 1:19

O nano tadamaanay a rmes ni Kristo, o matiyaay o rmes no caay ka cisamo' a tadasiri ko sapitdal tamowanan.

1 Yohani 1:7

Nikawrira, ano matiya o nika i likat no Kawas ko nika i ta^ngaday ko dmak ita i, o malaccayay kita. Ta o rmes no Wawa Ningra ci Yis ko mikoracay titaanan a mipalasawad to polong no raraw ita.

Pa'arawan 12:11

Malowid no salikaka ita koya kangic pakayni i rmes no Tofor a Siri ato nano nipipatnak nangra to so'lin. Maolah cangra a kinafalah to 'orip nangra a mapatay.

Pa'arawan 15:2

Ma'araw ako ko matiyaay o marayasay a riyar a cicamolay to namal a dadingo. Ma'araw ako ko pakalowiday a tamdamdaw toya 'a'adopen ato faco noya 'a'adopen ato sa'osi noya ngangan. Mitatoy cangra to nipaflian no Kawas i cangraan a datok a tomireng i tatihi noya matiyaay o tingalaway a riyar a dadingo.

Pa'arawan 17:6

Ma'araw ako ko nika lasang noya fafahiyan to rmes no finawlan no Kawas ato rmes no mapatayay to nano nipipatalahkal nangra to nipitoor nangra ci Yisan. Safahka' sa kako a minengneng toya fafahiyan.

Pa'arawan 2:9

mafana' Kako to nika pades ato nika lapakoyoc iso. Nikawrira, ano so'linen ko sowal i, o cidafongay kiso! Mafana' Kako to pilokes noya caay ko Yutaya a tamdaw i, o Yutaya kako sanay a masakapotay ni Satan tisowanan!

Pa'arawan 22:14

O mifaca'ay to riko' no tireng a tamdaw i, o malmeday. Nawhani manga'ay cangra a citodong a komaen to hci noya sakaci'orip a kilang. O romasato, manga'ay cangra a pakayra i 'adawang a micomod to niyaro'.

Pa'arawan 5:9

Romadiw cangra to ccay a fa^lohay a radiw a pa'olic, <

Pa'arawan 7:9

Nanoya, nengneng sa kako i, ma'araw ako ko caay ko mamafilo a sa'osien a 'alomanay a finawlan. O nai kasakitakit, o nai kasangasaw, o nai kasafinacadan, o nai masasiromaromaay ko sowal nangra a tayni, ciriko' cangra to kohcalay, mitatoy cangra to ca'ang no sarengad a tomireng i ka'ayaw noya tadamaanay a 'anengang i ka'ayaw no Tofor a Siri.