Pa'arawan 3:5 - 阿美語聖經-新約附詩篇箴言

⁵ O pakalowiday a tamdaw i, o mamatiya onini a mapariko' to kohcalay. Caay ko sasisiten Ako ko ngangan nangra i pitilidan to ngangan no ma'oripay. O papatalahkalen Ako ko ngangan nangra i ka'ayaw no Wama Ako ato coyoh no Wama Ako.

Pa'arawan 3:5 Iomraidhean Croise

'Olic 109:13

Mamana malasawad ko tloc ningra, mamana awaayto ko mamirocok to ngangan ningra.

'Olic 69:28

Mamana padengen Iso ko ngangan nangra i pitilidan to ngangan no ma'oripay, mamana caay ka tilid ko ngangan nangra i pitilidan to ngangan no mo^celay a tamdaw.

Matay 10:32

<

Luka 10:20

Nikawrira, ano mihakloklong ko palafoay to sowal namo i, aka ka lipahak kamo tonini. Deng o nika tilid no ngangan namo i kakarayan ko kakalipahaken namo,>> han Ningra.

Luka 12:8

<

Filipi 4:3

O romasato, o so'linay a kapot ako, milongoc haca kako i tisowanan to pipadama tonini a tatosaay a fafahiyan. Nawhani o nano mikapotay takowanan a maroray a mipatnak to Nga'ayay Ratoh cangra aci Klimin ato romaroma a kapot. Matilidayto ko ngangan nangra i pitilidan no Kawas to ngangan no ma'oripay.

Yuta 1:24

O dengan a Pa'oripay titaanan a Kawas ko ci'icelay a midipot tamowanan to saka^caaw ka tfad namo, ta caay ka ci'oning kamo. O ci'icelay Cingra a mipalasawad to raraw namo a mikrid tamowanan a patireng i ka'ayaw no ci'dilay a tireng Ningra a palipahak tamowanan. Nanay pakayni i Tapang ita ci Yis Kristoan a mapa'dil Cingra. Nanay kasnengan no tamdaw Cingra. Nanay ci'icel ko pikowan Ningra nani'ayaw no satapangan no hkal tahanini a tahada'oc. Amin.

Pa'arawan 13:8

Nikawrira, ira ko pitilidan to ngangan no ma'oripay, o cudad no nano mapacokay a Tofor a Siri, o caay ka tilid ko ngangan toya cudad i satapangan no nipisanga' no Kawas to hkal a polong no maro'ay i tini i hkal a tamdamdaw i, o mamita'ong toya 'a'adopen.

Pa'arawan 17:8

O ma'araway iso a 'a'adopen i, nama'oripay i ti:yaho, awaay anini, nikawrira, o mamacakat ciira a masadak nai awaay ko para' a ofang, ta matkop ciira. Oya maro'ay i tini i hkal a tamdamdaw to caay ka tilid ko ngangan i pitilidan to ngangan no ma'oripay i 'ayaw no nika sanga' no hkal i, o fafahka' cangra a minengneng toya 'a'adopen, nawhani nama'oripay ciira i ti:yaho, awaay anini, nikawrira, o mamiliyaw haca ciira a talahkal.

Pa'arawan 19:8

Mapaflito no Kawas cingra to tomli'ay, mali^miay, fangcalay a mowa a riko',>> saan. (Onini a fangcalay a mowa a riko' hananay i, o todong no mo^celay a dmak no finawlan no Kawas.)

Pa'arawan 2:11

<

Pa'arawan 2:7

<

Pa'arawan 20:12

Itiya i, ma'araw haca ako ko mapatayay a tamdamdaw, ano o tadamaanayto, ano o sasafaayto i, ira a ma^min a tomireng i ka'ayaw noya tadamaanay a 'anengang. Maclak ko pinapina a cudad itira. Ira ko roma a ccay a niclakan a cudad, o pitilidan to ngangan no ma'oripay, o matiliday toya pinapina a cudad a sowal ko pi'arawan a misawkit to mapatayay a tamdamdaw to nano dmak nangra.

Pa'arawan 20:15

O caay ka tilid ko ngangan i pitilidan to ngangan no ma'oripay i, mafahkol a ma^min i namanamalan.

Pa'arawan 21:27

Nikawrira, caay ko mamicomod toya niyaro' ko kakaackan a maamaan ato kasimelangan ko dmak a tamdaw ato misamangahay a tamdaw. Deng o matiliday no Tofor a Siri ko ngangan i pitilidan to ngangan no ma'oripay ko mamicomod toya niyaro'.

Pa'arawan 22:19

Ano ira ko mipalasawaday to mimimiming aca no nipali'ayawan a sowal i tini tonini a cudad i, o sasisiten no Kawas ko ngangan noya tamdaw. Caay ko papaflien cingra to nisowalan i tini tonini a cudad a hci no sakaci'orip a kilang ato sapicomod tonini a Fangcalay Niyaro'.

Pa'arawan 3:12

O pakalowiday a tamdaw i, o papatirengen Ako a palahcek i Fangcalay Pita'ongan to Kawas Ako. Caayto ko mamiliyas cingra itira a tahada'oc. O tatiliden Ako i cingraan ko ngangan no Kawas Ako ato ngangan no niyaro' no Kawas Ako. O nai Kawasay Ako a masadak a ma^pod nai kakarayan konini a niyaro', o fa^lohay a Yirusalim. O romasato, o tatiliden Ako i cingraan ko fa^lohay a ngangan Ako.

Pa'arawan 3:4

Nikawrira, ira i tamowanan o Sartis ko papinapina a tamdaw to caay pipa'oning to riko'. O caciriko' cangra to kohcalay a mikapot i Takowanan a romakat. Nawhani matatodongay cangra a mikihatiya i Takowanan.

Pa'arawan 6:11

Itiya i, mapafli to kohcalay a kafafang ko kahaccaccay nangra. Ira ko pasowalay i cangraan, <> saan.