Pa'arawan 3:12 - 阿美語聖經-新約附詩篇箴言

¹² O pakalowiday a tamdaw i, o papatirengen Ako a palahcek i Fangcalay Pita'ongan to Kawas Ako. Caayto ko mamiliyas cingra itira a tahada'oc. O tatiliden Ako i cingraan ko ngangan no Kawas Ako ato ngangan no niyaro' no Kawas Ako. O nai Kawasay Ako a masadak a ma^pod nai kakarayan konini a niyaro', o fa^lohay a Yirusalim. O romasato, o tatiliden Ako i cingraan ko fa^lohay a ngangan Ako.

Pa'arawan 3:12 Iomraidhean Croise

'Olic 46:4

Ira ko ccay a 'alo, mapalipahak no kalidkid no nanom ko niyaro' no Kawas, oya Fangcalay Kaitiraan no Isatakaraway a Kawas.

'Olic 48:8

Oya nao matngilay ita to hatiniay a dmak no Kawas i, ma'arawto ita i matini i niyaro' no mikomoday a Tapang a Kawas ita, o dadipoten Ningra a tahada'oc konini a niyaro'.

'Olic 87:3

Kiso o niyaro' no Kawas, pitngil, pitngil to sowal Ningra to pakayniay i tadamaanay a dmak iso.

Maroko 12:16

Patayra han nangra ko ccay a tinali i Cingraan. Itiya i, milicay ci Yis, <> han Ningra. <> han nangra a paca'of.

Kalatiya 2:9

Mahapinang na Yakop aci Pitiro aci Yohani, o na tatoloay a cinganganay a malohcek no kiwkay ko nipipatorod no Kawas i takowanan tonini a micidekay a tayal. Saka, laya' sato to kamay cangra a mimetmet to kamay niyam aci Parnapas a pahapinang to nika o kapotto nangra kami a matayal. Mihai kami a ma^min to sakatayraaw niyam aci Parnapas i roma a finacadan a matayal ato sakaitiraaw nangra o kakrikridan i Yutaya a tamdaw a matayal.

Ifiso 3:15

Nawhani Cingra ko tatapangan no i kakarayanay ato i hkalay a kasafinacadan.

Hipray 12:22

O miraodayto kamo to Cion a lotok ato i kakarayanay a Yirusalim a niyaro' no ma'oripay a Kawas. Ira itira ko pinapi:na a 'ofad a coyoh.

Hipray 13:14

Nawhani awaay i tini i hkal ko malo no mita a mida'ocay a tadaniyaro'. O mitalaay kita to aira a maloniyaro' ita.

1 Yohani 4:4

Wawaaw, o wawa no Kawas kamo saka, malowidayto namo koya mangah a pali'ayaway to sowal no Kawas a singsi no hkal. Nawhani ikakaay no 'icel no maro'ay i cangraan a 'adingo ko 'icel no maro'ay i tamowanan a Fangcalay 'Adingo.

Pa'arawan 14:1

Nengneng sa kako i, ira a tomireng i Cion a lotok ko Tofor a Siri. Mikapot i Cingraan ko spat ko safaw a 'ofad ira ko spat a patek (144,000) a tamdaw. Matilid i pising nangra ko ngangan noya Tofor a Siri ato ngangan no Wama noya Tofor a Siri.

Pa'arawan 17:14

O mamilood caira to Tofor a Siri, nikawrira, o mamalowid noya Tofor a Siri caira. Nawhani o Tapang no tapatapang, o Hongti no hongtingti Cingra. O nipili'an ato so'linay a mitooray i Cingraan a tamdamdaw i, o papakalowid ito,>> saan.

Pa'arawan 2:11

<

Pa'arawan 2:17

<

Pa'arawan 2:7

<

Pa'arawan 21:2

Ma'araw ako ko Fangcalay a Niyaro', o fa^lohay a Yirusalim. Matiya o pipatala no cacifa'inay a kaying a ma^res to sapilitmohaw to fa'inay ningra ko nika sadak noya niyaro' nai Kawas a miliyas to kakarayan a ma^pod.

Pa'arawan 22:4

O mama'araw nangra ko pising no Kawas. O mamatilid i pising nangra ko ngangan no Kawas.

Pa'arawan 3:5

O pakalowiday a tamdaw i, o mamatiya onini a mapariko' to kohcalay. Caay ko sasisiten Ako ko ngangan nangra i pitilidan to ngangan no ma'oripay. O papatalahkalen Ako ko ngangan nangra i ka'ayaw no Wama Ako ato coyoh no Wama Ako.