Pa'arawan 22:1 - 阿美語聖經-新約附詩篇箴言

¹ Pa'araw koya coyoh i takowanan to 'alo no sakaci'orip a nanom. Matiya o tingalaway a mali^miay a dadingo ko nika mali^mi noya 'alo. Masadak ko nanom nai tadamaanay a 'anengang no Kawas ato Tofor a Siri.

Pa'arawan 22:1 Iomraidhean Croise

'Olic 46:4

Ira ko ccay a 'alo, mapalipahak no kalidkid no nanom ko niyaro' no Kawas, oya Fangcalay Kaitiraan no Isatakaraway a Kawas.

Yohani 13:32

Ano pakayni toya Tamdaw a mapahapinang ko nika tadamaan no Kawas i, o papatalahkalen no Kawas ko nika tadamaan noya Tamdaw. O tatangsolen Ningra a milahci konini.

Yohani 15:26

<

Yohani 4:14

Nikawrira, o minanomay a tamdaw toya sapafli Ako a nanom i, caayto ko mamaso'aw a tahada'oc. O sapafli Ako a nanom i, o mamatiya o nemnem a mapowar i cingraan a malamida'ocay a 'orip ningra,>> han Ningra.

Dmak 2:33

Mapacakatto ci Yis a mapaaro' i kawanan no Kawas. Milayap Cingra to nano nisowalan no Wama a Fangcalay 'Adingo, ta pafli i tamiyanan tonini. Onini koya ninengnengan, nitngilan namo i matini.

Pa'arawan 1:1

O nitilidan to pakayniay i nipa'arawan ni Yis Kristo a dmak konini. O nano nipahapinangan no Kawas i Cingraan konini to sapatiri' Ningra i 'alomanay a matayalay Ningra to mangataayto a ira a dmak. Saka, ocoren ni Kristo ko coyoh a papipakafana' i matayalay Ningra ci Yohanian tonini a dmak.

Pa'arawan 21:11

O 'dil no Kawas ko patdiay toya niyaro'. Matiya o nika mali^mi no matkesay a tadamaanay a fokloh, matiya o nika mali^mi no kangdaway a tingalaway a odo' ko nika tdi nira.

Pa'arawan 21:6

Pasowal haca Cingra i takowanan, <

Pa'arawan 21:9

Ira a miraod i takowanan ko ccay noya papitoay a coyoh. O nano mitatoyay cingra to ccay no pitoay a wakong to matomesay no pitoay a saikoray a sari'ang. Pasowal sa cingra i takowanan, <> saan.

Pa'arawan 22:17

O sowal no Fangcalay 'Adingo ato sowal no maloramod ni Yis i, <> saan. O mitngilay tonini i, <> han a pasowal. Katayni a ma^min ko maso'away a tamdaw. Ano cima ko mangalayay to sakaci'orip a nanom i, tado han a minanom.

Pa'arawan 22:6

Sowal sa koya coyoh i takowanan, <> saan.

Pa'arawan 3:21

O pakalowiday a tamdaw i, o papaaro'en Ako cangra i tatihi Ako a papikapot Takowanan a mikowan. Onini a dmak i, matiya o nika maro' Ako i tatihi no Wama Ako a mikapot Cingraan a mikowan tona pakalowid Kako.

Pa'arawan 5:13

O romasato, matngil ako ko 'olic no i kakarayanay, i hkalay, i kala^noay no sra, i riyaray ato polong no i laloma'ay nonini a masanga'ay a ma'oripay a ma^min a romadiw, Nanay caay ka citolas a mapahmek, mapacakat ko ngangan, a ci'dil, a cisakowan ko maro'ay i tadamaanay a 'anengang a Kawas ato Tofor a Siri!

Pa'arawan 5:6

Itiya i, ma'araw ako ko Tofor a Siri a tomireng i ka'ayaw noya tadamaanay a 'anengang. Mataliyok noya saspatay a ma'oripay ato ciwlo Cingra. Matiya o nipacokan koya Tofor a Siri. Pito ko pohong ato mata Ningra. O niocoran no Kawas i polong no hkal, o todong no pitoay a 'Adingo koya pitoay a mata.

Pa'arawan 7:17

Nawhani oya i ka'ayaway no tadamaanay a 'anengang a Tofor a Siri ko mamidipot i cangraan. O kakriden Ningra cangra a patayra i nemnem no sakaci'orip a nanom. O sasisiten no Kawas a mi^min ko losa' no mata nangra,>> saan.