Pa'arawan 21:4 - 阿美語聖經-新約附詩篇箴言

⁴ O sasisiten no Kawas a mi^min ko losa' no mata nangra. Caayto ko mamapatay, caayto ko mamararom, caayto ko tatomangic, caayto ko mamisemsem ko tamdaw a ma^min. Malasawadto ko i 'ayaway a dmak,>> saan.

Pa'arawan 21:4 Iomraidhean Croise

'Olic 144:4

Matiya o ccay a sla' ko tamdaw, matiya o mitafsiway a lidong no to'em ko 'orip ningra.

Matay 24:35

O mamalasawad ko kakarayan ato sra. Nikawrira, caay ko mamalasawad ko sowal Ako.

1 Korinto 15:26

O saikoray a lalowiden Ningra a 'ada i, o patay.

1 Korinto 7:31

O ci dafongay a tamdaw i, samatiyaen o caayay kacidafong ko harateng namo. Nawhani o mamalahdaw konini a hkal.

2 Korinto 5:17

Ano mapalaccay aci Kristo ko cima a tamdaw i, o fa^lohayto a tamdaw cingra. Malasawadto ko matlangay a pinangan ningra, ta masafa^lohto cingra.

2 Korinto 6:17

Orasaka, sowal sa ko Tapang, <

Hipray 12:27

Oya <> sanay a sowal i, o kacipinangan ita to nika o mamangernger o mamalasawad ko masanga'ay no Kawas a maamaan. Onini i, o saka'osawaw no caay ko mamangernger a maamaan.

2 Pitiro 3:10

Nikawrira, o mamatiya o mitakaway a tamdaw koya romi'ad to nipiliyaw haca no Tapang a fahal sa tayni. Itiya a romi'ad i, o mamalahdaw ko kakarayan i tata'angay a harengheng, o mamatodoh a maprar ko i laloma'ay no kakarayan, o mamalasawad a ma^min ko sra ato maamaan a pinasanga' i hkal.

1 Yohani 2:17

Manornorto a malasawad ko hkal ato i tiniay i hkal a kangalayan no tamdaw a ma^min. Nikawrira, mida'oc a ma'orip ko mido^doay a tamdaw to nafaloco'an no Kawas.

Pa'arawan 20:13

Pasadaken no riyar ko i laloma'ay nira a mapatayay. Pasadaken no patay ato kaitiraan no mapatayay ko i laloma'ay naira a mapatayay a tamdaw. Ta pakayni i nano dmak no kahaccaccay nangra ko sakapisawkit i cangraan.

Pa'arawan 20:14

Ta halopatay ato kaitiraan no mapatayay a mafahkol i namanamalan. (Itira toya namanamalan a mapatay ko tamdaw to sakinatosa a patay.)

Pa'arawan 21:1

Ma'araw ako ko fa^lohay a kakarayan ato fa^lohay a hkal. Malahdawto ko i 'ayaway a kakarayan ato hkal. Malahdawto ko riyar.

Pa'arawan 22:3

Awaayto ko a'ka'kaken itira. O aira toya niyaro' ko tadamaanay a 'anengang no Kawas ato Tofor a Siri. O mamita'ong a ma^min ko matayalay no Kawas i Cingraan.

Pa'arawan 7:17

Nawhani oya i ka'ayaway no tadamaanay a 'anengang a Tofor a Siri ko mamidipot i cangraan. O kakriden Ningra cangra a patayra i nemnem no sakaci'orip a nanom. O sasisiten no Kawas a mi^min ko losa' no mata nangra,>> saan.