Pa'arawan 21:2 - 阿美語聖經-新約附詩篇箴言

² Ma'araw ako ko Fangcalay a Niyaro', o fa^lohay a Yirusalim. Matiya o pipatala no cacifa'inay a kaying a ma^res to sapilitmohaw to fa'inay ningra ko nika sadak noya niyaro' nai Kawas a miliyas to kakarayan a ma^pod.

Pa'arawan 21:2 Iomraidhean Croise

'Olic 87:3

Kiso o niyaro' no Kawas, pitngil, pitngil to sowal Ningra to pakayniay i tadamaanay a dmak iso.

Yohani 3:29

Tinako sa, o fa^lohay a pararamoden a fa'inay ko caciramod to kaying. Salipahak sa i tatihi ko widang ningra a mitngil to sowal ningra. Malcad tonini ko nika lipahak ako anini.

2 Korinto 11:2

Nawhani, o mi'inapay ko olah ako a maolah i tamowanan, matiya o olah no Kawas to saki tamowanan. Matiya o nipatapanganto ako a makoracay a limecedan kamo to malofafahi no ccay a fa'inayan ci Kristo.

Hipray 11:10

Nawhani o mapatirengay i tanektekay a paranaan a niyaro' ko nitalaan ni Apraham. O Kawas ko misafacoay a mipatireng toya niyaro'.

Hipray 11:16

Nikawrira, o i kakarayanay a tadamaanay a kitakit ko so'linay a kahalamhaman nangra. Orasaka, caay ka ngodo ko Kawas a o Kawas niyam han nangra Cingra. Nawhani mapatalato no Kawas ko maloniyaro' nangra.

Hipray 12:22

O miraodayto kamo to Cion a lotok ato i kakarayanay a Yirusalim a niyaro' no ma'oripay a Kawas. Ira itira ko pinapi:na a 'ofad a coyoh.

Hipray 13:14

Nawhani awaay i tini i hkal ko malo no mita a mida'ocay a tadaniyaro'. O mitalaay kita to aira a maloniyaro' ita.

Pa'arawan 1:1

O nitilidan to pakayniay i nipa'arawan ni Yis Kristo a dmak konini. O nano nipahapinangan no Kawas i Cingraan konini to sapatiri' Ningra i 'alomanay a matayalay Ningra to mangataayto a ira a dmak. Saka, ocoren ni Kristo ko coyoh a papipakafana' i matayalay Ningra ci Yohanian tonini a dmak.

Pa'arawan 1:4

Kako ci Yohani ko patiliday i tamowanan o i Aciyaay a papitoay a kiwkay. Nanay o iraay naniti:ya aca, o iraay anini, o aira i ikor a mida'ocay a Kawas, ato iraay i ka'ayaw no kamaro'an no Kawas a papitoay a 'Adingo, ato o so'linay a tati'eren a pawacayay, o sa'ayaway a lomowad a ma'orip nai patay, o mikowanay to hongtingti no hkal ci Yis Kristo, mapaini Ningra kamo to mikomi ato rihaday! O maolahay Cingra i titaanan, mapatay Cingra a marakis ko rmes to saki titaanan to sapitdal titaanan nai sapalit no raraw,

Pa'arawan 1:9

O salikaka namo kako ci Yohani, malakapot namo a mihadidi to pades, mikihamon haca to pikowan Ningra. O sapipatnakaw to sowal no Kawas ato so'lin no nipa'arawan ni Yis. Saka, o namarofoayto kako i Patmos hananay a kanatal.

Pa'arawan 11:2

Nikawrira, aka fakciwen ko potal no Fangcalay Pita'ongan, nawhani o mapatorodayto i roma a finacadan korira, o mamasakasak nangra ko Fangcalay Niyaro' to spat a polo' ira ko tosa a folad.

Pa'arawan 21:10

Makakoy no Fangcalay 'Adingo kako. Ta kriden no coyoh kako a patayra i tokos no takaraway a lotok. Pa'arawen ningra kako to nipiliyas no Yirusalim o Fangcalay a Niyaro' to Kawas i kakarayan a ma^pod.

Pa'arawan 21:9

Ira a miraod i takowanan ko ccay noya papitoay a coyoh. O nano mitatoyay cingra to ccay no pitoay a wakong to matomesay no pitoay a saikoray a sari'ang. Pasowal sa cingra i takowanan, <> saan.

Pa'arawan 22:17

O sowal no Fangcalay 'Adingo ato sowal no maloramod ni Yis i, <> saan. O mitngilay tonini i, <> han a pasowal. Katayni a ma^min ko maso'away a tamdaw. Ano cima ko mangalayay to sakaci'orip a nanom i, tado han a minanom.

Pa'arawan 22:19

Ano ira ko mipalasawaday to mimimiming aca no nipali'ayawan a sowal i tini tonini a cudad i, o sasisiten no Kawas ko ngangan noya tamdaw. Caay ko papaflien cingra to nisowalan i tini tonini a cudad a hci no sakaci'orip a kilang ato sapicomod tonini a Fangcalay Niyaro'.

Pa'arawan 3:12

O pakalowiday a tamdaw i, o papatirengen Ako a palahcek i Fangcalay Pita'ongan to Kawas Ako. Caayto ko mamiliyas cingra itira a tahada'oc. O tatiliden Ako i cingraan ko ngangan no Kawas Ako ato ngangan no niyaro' no Kawas Ako. O nai Kawasay Ako a masadak a ma^pod nai kakarayan konini a niyaro', o fa^lohay a Yirusalim. O romasato, o tatiliden Ako i cingraan ko fa^lohay a ngangan Ako.