Pa'arawan 2:2 - 阿美語聖經-新約附詩篇箴言

² mafana' Kako to nidmakan iso ato roray iso a matayal ato nika kodait iso. Mafana' Kako to nika caay pakahadidi kiso to tatiihay ko dmak a tamdaw. Mafana' Kako to nipilifet iso to caay ko tarokos i, o tarokos kako sanay a tamdaw a mihapinang to nika o misamangahay cangra.

Pa'arawan 2:2 Iomraidhean Croise

'Olic 1:6

Madipot no Tapang ko rakat no mo^celay a tamdaw, nikawrira, pasayra i katkopan ko rakat no tatiihay a tamdaw.

Matay 7:23

Nikawrira, itiya i, o papatalahkalen Ako a somowal cangra, wa han Ako cangra.

Yohani 6:6

(O sakasaan ni Yis i, o sapilifetaw Ningra ci Filipan. Saka, haenen Ningra ko sowal. Nawhani mafana' ci Yis to malodadmaken Ningra.)

Kalatiya 1:7

Awaay ko roma a Nga'ayay Ratoh. Nikawrira, ira ko mirawraway tamowanan a sapifalican to Nga'ayay Ratoh to pakayniay ci Kristoan.

Ifiso 4:14

Ta caayto ko mamatiya o ka^mangay kita a mangiyangi ko faloco' a mafalic a matiya o mapawpaway no taplik ato nai cowacowaay a fali. Ta caayto ko mamasa'fit no tatiihay ato misawiay a sifana' kita.

1 Tisalonika 1:3

nawhani maharateng niyam i ka'ayaw no Wama a Kawas ita ko pipatalahkal namo i dmak to piti'er namo i Kawas ato nika roray namo a matayal to nano olah namo ato nika tanektek no kacifaloco'an namo to Tapang ci Yis Kristoan.

1 Tisalonika 5:21

Hapinangen a mipalita ko masamaamaanay a dmak. Ka'imeren ko nga'ayay a dmak.

2 Timoti 2:19

Nikawrira, tanektek ko nipatirengan no Kawas a paranaan a caay ka ngiyangi. Mato^to' a matilid i paranaan a fokloh koya, <> Mato^to' haca, <> sanay.

Hipray 6:10

O mo^celay ko Kawas saka, caay ka tawal Ningra ko nano tayal namo ato nipipatalahkal namo to olah i Cingraan i tini i nipipadama namo to mitooray ato nika tahanini nora dmak namo.

1 Yohani 4:1

Kaolahan ako a salikaka, aka patdo a paso'lin toya, o maaro'ay no Fangcalay 'Adingo kako, ya sanay. Hapinangenho a mipalita ko nika o nai Kawasay hakiya? Caay hakiya? Nawhani 'aloman ko mangah a pali'ayaway to sowal no Kawas a masadak a talacowacowa.

Pa'arawan 2:5

Haratengen ko dmak iso i matini ato i 'ayaway. Hakowa ko nika tfad iso? Pifalic to faloco' a mitiko to sa'ayaway a dmak iso. Ano caay pihaen kiso a mifalic to faloco' i, tayra sa Kako i tisowanan a miala a militod toya matliay i tisowanan a padawdawan.

Pa'arawan 2:6

Nikawrira, ira ko nga'ayay a dmak iso. Mi'intel kiso to dmak no tamdamdaw no Nikolay a pakayraan. Halo Ako a mi'intel tonini.

Pa'arawan 2:9

mafana' Kako to nika pades ato nika lapakoyoc iso. Nikawrira, ano so'linen ko sowal i, o cidafongay kiso! Mafana' Kako to pilokes noya caay ko Yutaya a tamdaw i, o Yutaya kako sanay a masakapotay ni Satan tisowanan!

Pa'arawan 3:1

<

Pa'arawan 3:15

mafana' Kako to nidmakan iso. Mafana' Kako to nika caay ko ki^tecay, caay ko fa^detay kiso. O nanay no faloco' Ako i, o nika ki^tec, ano ^ca i, o nika fa^det iso ko nga'ay!

Pa'arawan 3:8

mafana' Kako to nidmakan iso. Mafana' Kako to nika mimingay ko 'icel iso, nikawrira, o mido^doay kiso to sowal Ako, o so'linay ko faloco' iso i Takowanan. Saka, mafawahto Ako i ka'ayaw iso ko caay ko mama'def no nimanima a fawahan.