Pa'arawan 16:3 - 阿美語聖經-新約附詩篇箴言

³ Do^do sa i, ira ko sakatatosa a coyoh a mitaktak i riyar to nitatoyan ningra a wakong. Ta matiya o rmes no mapatayay a tamdaw ko riyar. Saka, mapatay a ma^min ko ma'oripay i riyar.

Pa'arawan 16:3 Iomraidhean Croise

'Olic 105:29

Palarmesen Ningra ko nanom no 'alo no Icip, mapatayto a ma^min ko foting.

'Olic 78:44

Palarmesen Ningra ko nanom no 'alo, ta caayto ka nga'ay a nanomen no Icip a tamdaw.

Dmak 2:41

'Aloman ko mipaso'linay to sowal ni Pitiro. Ta mapaino' cangra. Saka, ma^deng tolo a patek (3,000) ko tamdaw to mitongalay a mikapot i cangraan toya romi'ad.

Pa'arawan 10:2

Mitatoy cingra to niclakan a mamangay a nano maloloday a cudad. Miripa' to riyar ko kawanan a wa'ay ningra. Miripa' to sra ko kawili a wa'ay ningra.

Pa'arawan 11:6

Yo mipatnak koya tatosaay to sowal no Kawas i, citodong cangra a mi'def to kakarayan to saka^caaw ka 'orad. O romasato, citodong cangra to nemnem a palarmes. O harateng sa nangra a misamaamaan a mikari'ang to hkal.

Pa'arawan 13:1

Ma'araw ako ko ccay a macakatay nai riyar a 'a'adopen. Mo^tep ko pohong, pito ko fongoh nira. Malarocek a citamohong to no hongti koya mo^tepay a pohong nira. Matilid i kahaccaccay no fongoh nira ko milokesay to ngangan no Kawas a sowal.