Pa'arawan 15:8 - 阿美語聖經-新約附詩篇箴言

⁸ Matomes no 'acfel to nano 'dil ato nano 'icel no Kawas ko Fangcalay Pita'ongan. Tangasa i pahrekan no nipikari'ang no kahaccaccay noya papitoay a coyoh i, awaay ko pakacomoday toya Fangcalay Pita'ongan.

Pa'arawan 15:8 Iomraidhean Croise

'Olic 29:9

Mapa'at'at no ngiha' no Tapang ko tawinaan a malonem, marasras no ngiha' Ningra ko papah no kilakilang, itiya i, milkal ko i laloma'ay no Fangcalay Pita'ongan a tamdamdaw a ma^min a somowal, <> saan.

Loma 11:33

Wata: ko nika talolong no mikomi ato taneng ato fana' no Kawas! Cima ko mafana'ay a mitadtad to pikton Ningra? Cima ko mafana'ay a misapsap to lalan Ningra?

2 Tisalonika 1:9

Ano miliyaw ko Tapang a tayni, o mamatfoc ko matiniay a tamdaw, mida'oc a matkop, mapala'ed nai ka'ayaw no Tapang ato o mamapaliyas nai ma'dilay a 'icel Ningra.

Pa'arawan 15:1

Ira a ma'araw ako i kakarayan ko tadamaanay a kafahka'an a dmak. Ira ko papitoay a coyoh. Mitatoy cangra to pitoay a sari'ang. Onini i, o saikoray a sari'ang. Nawhani i tini a mapahrek ko tata'angay a kter no Kawas.

Pa'arawan 21:11

O 'dil no Kawas ko patdiay toya niyaro'. Matiya o nika mali^mi no matkesay a tadamaanay a fokloh, matiya o nika mali^mi no kangdaway a tingalaway a odo' ko nika tdi nira.