Pa'arawan 14:3 - 阿美語聖經-新約附詩篇箴言

³ Tomireng koya spat ko safaw a 'ofad ira ko spat a patek (144,000) a tamdaw i ka'ayaw noya tadamaanay a 'anengang ato i ka'ayaw noya saspatay a ma'oripay ato i ka'ayaw noya ciwlo. Romadiw cangra to fa^lohay a radiw. Deng cangra ko mafana'ay a romadiw toya radiw. I tini i polong no i hkalay a tamdamdaw i, deng cangra ko ni'acaan no Kawas a pa'orip.

Pa'arawan 14:3 Iomraidhean Croise

'Olic 144:9

Kawasaw, patngilen ako Kiso to fa^lohay a radiw, pasonien ako ko datok a pahmek i Tisowanan.

'Olic 149:1

Haliluya! Karomadiw to fa^lohay a radiw a pahmek to Tapang, pahmeken Cingra i kasa'opoan no so'linay ko faloco' a finawlan Ningra.

'Olic 25:14

Sawidangen no Tapang ko mangodoay Cingraan a tamdaw, pahapinangen Ningra to katatlekan a sowal cangra.

'Olic 33:3

Patngilen Cingra to fa^lohay a radiw, songila'en ko pidatok, satata'angen ko ngiha' a romadiw.

'Olic 40:3

Pasifana'en Ningra kako to fa^lohay a radiw, karomadiw a mipahmek to Kawas ita. O 'alomanay a minengnengay tonini a dmak i, o mamasinanot a mangodo a ma^min, o mamangalay cangra a miti'er to Tapang.

'Olic 96:1

Pipasayra i Tapang a romadiw to fa^lohay a radiw! Karomadiw a pahmek to Tapang ko polong no tahaf no hkal!

'Olic 98:1

Pipasayra i Tapang a romadiw to fa^lohay a radiw, nawhani o midmakay Cingra to kafahka'an a dmak. Pakaynien Ningra i tadamaanay a 'icel ato fangcalay a 'icel ko sakapakalowid Ningra.

1 Korinto 1:18

O sowal to pakayniay i nika patay ni Kristo i ciwcika i, o maapaay saan ko pinengneng no mamatkop a tamdaw. Nikawrira, o pinengneng ita o mamapa'orip a tamdaw i, o 'icel no Kawas konini saan.

1 Korinto 2:14

Nikawrira, o awaay ko 'Adingo no Kawas a tamdaw i, caay ka fana' cingra a milayap to sapafli no todong no tireng no Kawas a 'Adingo. Nawhani caay ka fana' cingra. Pakomaapaay cingra tonini. Deng o maaro'ay no Fangcalay 'Adingo a tamdaw ko mafana'ay to nika ci^poc nonini a dmak.

Pa'arawan 14:1

Nengneng sa kako i, ira a tomireng i Cion a lotok ko Tofor a Siri. Mikapot i Cingraan ko spat ko safaw a 'ofad ira ko spat a patek (144,000) a tamdaw. Matilid i pising nangra ko ngangan noya Tofor a Siri ato ngangan no Wama noya Tofor a Siri.

Pa'arawan 15:3

Romadiw cangra to radiw ni Mosi o matayalay no Kawas ato radiw no Tofor a Siri. Pa'olic sa, <

Pa'arawan 2:17

<

Pa'arawan 5:9

Romadiw cangra to ccay a fa^lohay a radiw a pa'olic, <

Pa'arawan 7:4

Itiyasato, o matngilay ako a sowal to sa'osi no nitopaan no Kawas a tamdaw i, spat ko safaw a 'ofad ira ko spat a patek (144,000) no nitopaan a tamdaw saan. O kasangasaw no Israil cangra.