Pa'arawan 13:5 - 阿美語聖經-新約附詩篇箴言

⁵ Mahayda koya 'a'adopen to nika lata'ang nira a somowal a milokes to Kawas. Mahayda koya 'a'adopen to nipikowan nira to spat a polo' ira ko tosa a folad.

Pa'arawan 13:5 Iomraidhean Croise

'Olic 12:3

Nanay ktonen Iso Tapang koya misako^sanay a sma nangra, nanay to^men Iso koya misatakaraway a filfil nangra.

2 Tisalonika 2:3

Ano samaamaanen no nima kamo i, aka ka safana'. Nawhani i 'ayaw no nipiliyaw no Tapang a tayni i, caay ka ^ca o aira ko saikoray a tata'angay a pacoliay to Kawas a dmak. Itiya a talahkal ko ccay a mamatkop i pisemseman a pacoliay to rikec a tamdaw.

2 Tisalonika 2:4

O papacolien ningra ko kawakawas hananay a ma^min ato nita'ongan a maamaan a misatakaraw to tireng. O mamaro' cingra i Fangcalay Pita'ongan to Kawas a palakawas to tireng ningra.

2 Tisalonika 2:8

O tatalahkal itiya koya pacoliay to rikec a tamdaw. Nikawrira, ano miliyawto a tayni ko Tapang ci Yis i, o sla' ato 'dil Ningra ko sapipatay Ningra cingraan a mitkop.

Pa'arawan 11:7

Ano mahrek koya tatosaay a mipatnak i, o mamasadak nai awaay ko para' a ofang ko ccay a 'a'adopen a milood cangraan. Ta malowid noya 'a'adopen cangra a mipatay.

Pa'arawan 12:14

Nikawrira, mapafli koya fafahiyan to tosa a sapikpik no tata'angay a lidep to malosaka^fer ningra a tayra i kamaro'an ningra i kohkohan. O a itira cingra a milimek toya 'oner a madipot to tolo a mihcaan ira ko pangkiw no mihcaan.

Pa'arawan 12:6

Milaliw koya fafahiyan a tayra i nipatalaan no Kawas a malokamaro'an ningra i kohkohan. O mamadipot cingra itira to ccay a patek ira ko tosa a so'ot ira ko ^nem a polo' (1,260) a romi'ad.

Pa'arawan 13:7

Mahayda ciira to nipilood nira to finawlan no Kawas a milowid. O romasato, mahayda ciira to nipikowan nira to kasaniyaro', kasafinacadan, kasakitakit ato kasasiromaroma no sowal.