Pa'arawan 13:16 - 阿美語聖經-新約附詩篇箴言16 Ano o tadancaayto, ano o tadamaanayto, ano o cidafongayto, ano o pakoyocayto, ano o kolito, ano caayto ko koli a tamdaw i, paci^cien nira cangra a papipatopa to kawanan a kamay ano ^ca i, i pising nangra. Faic an caibideil |
Makter i Tisowanan ko kasafinacadan. Nikawrira, talahkalto ko kter Iso i cangraan. Maraodto ko pisawkitan to mapatayay. Maraodto ko pipakaolahan Iso to matayalay Iso a pali'ayaway to sowal no Kawas ato, finawlan Iso a ma^min halotadancaay ato tadamaanay a mita'ongay Tisowanan a tamdaw a ma^min. Maraodto ko pitkopan Iso to mitkopay to hkal!>> saan.
Ma'araw ako ko matiyaay o marayasay a riyar a cicamolay to namal a dadingo. Ma'araw ako ko pakalowiday a tamdamdaw toya 'a'adopen ato faco noya 'a'adopen ato sa'osi noya ngangan. Mitatoy cangra to nipaflian no Kawas i cangraan a datok a tomireng i tatihi noya matiyaay o tingalaway a riyar a dadingo.
Mapalitto koya 'a'adopen atoya midmakay to kafahka'an a dmak i ka'ayaw noya 'a'adopen a kapot nira a mangah a pali'ayaway to sowal no Kawas. (Oya kafahka'an a dmak ko sapisawi ningra to citopaay to ngangan no 'a'adopen ato mita'ongay to faco noya 'a'adopen.) Palimangta' han koya tatosaay a mifahkol i miwarakay ko 'acfel a namanamalan.
Itiya i, ma'araw haca ako ko mapatayay a tamdamdaw, ano o tadamaanayto, ano o sasafaayto i, ira a ma^min a tomireng i ka'ayaw noya tadamaanay a 'anengang. Maclak ko pinapina a cudad itira. Ira ko roma a ccay a niclakan a cudad, o pitilidan to ngangan no ma'oripay, o matiliday toya pinapina a cudad a sowal ko pi'arawan a misawkit to mapatayay a tamdamdaw to nano dmak nangra.
Ma'araw haca ako ko pinapina a 'anengang no mikowanay ato maro'ay itira. Mapatorod i cangraan ko 'icel a misawkit. O romasato, ma'araw haca ako ko salo'afang no nipatayan a tamdaw to nano nipipatalahkal nangra to nipa'arawan ni Yis a so'lin ato sowal no Kawas. O caay pita'ong cangra toya 'a'adopen ato faco noya 'a'adopen. O caay ka citopa to ngangan noya 'a'adopen ko pising ano ^ca i, o kamay nangra. Miliyaw cangra a ma'orip a mikapot ci Kristoan to ccay a patek a mihcaan a mikowan.