Pa'arawan 13:1 - 阿美語聖經-新約附詩篇箴言

¹ Ma'araw ako ko ccay a macakatay nai riyar a 'a'adopen. Mo^tep ko pohong, pito ko fongoh nira. Malarocek a citamohong to no hongti koya mo^tepay a pohong nira. Matilid i kahaccaccay no fongoh nira ko milokesay to ngangan no Kawas a sowal.

Pa'arawan 13:1 Iomraidhean Croise

Pa'arawan 11:7

Ano mahrek koya tatosaay a mipatnak i, o mamasadak nai awaay ko para' a ofang ko ccay a 'a'adopen a milood cangraan. Ta malowid noya 'a'adopen cangra a mipatay.

Pa'arawan 12:3

Ira haca a ma'araw ko roma a kafahka'an a dmak i kakarayan. Ira ko tata'angay a kahngangay a kangic. Pito ko fongoh, mo^tep ko pohong nira. Malarocek koya pitoay a fongoh nira a citamohong to no hongti.

Pa'arawan 13:11

Ma'araw ako ko roma a ccay a masadakay nai sra a 'a'adopen. Tosa ko pohong nira. Matiya o pohong no tofor a siri ko pohong nira. Matiya o caciyaw no kangic ko caciyaw nira.

Pa'arawan 13:14

Mahayda ko nipidmak nira to kafahka'an a dmak i ka'ayaw noya sa'ayaway a 'a'adopen. Saka, sawien nira ko maro'ay i tini i hkal a tamdamdaw. Palimo'oten nira cangra a papisanga' to faco noya ma'oripayho a namapadoka'ay to fonos a sa'ayaway a 'a'adopen.

Pa'arawan 13:15

O romasato, mahayda ko nipiiyof nira a pafli to sasla'an toya faco noya sa'ayaway a 'a'adopen to sakafana'aw noya faco a caciyaw ato sakaci'icelaw noya faco a mipatay to caay pita'ong i ciiraan.

Pa'arawan 15:2

Ma'araw ako ko matiyaay o marayasay a riyar a cicamolay to namal a dadingo. Ma'araw ako ko pakalowiday a tamdamdaw toya 'a'adopen ato faco noya 'a'adopen ato sa'osi noya ngangan. Mitatoy cangra to nipaflian no Kawas i cangraan a datok a tomireng i tatihi noya matiyaay o tingalaway a riyar a dadingo.

Pa'arawan 16:13

Ma'araw ako ko tatoloay a matiyaay o takora' a kaackan a 'adingo a masadak nai ngoyos noya kangic ato nai ngoyos noya 'a'adopen ato nai ngoyos noya mangah a pali'ayaway to sowal no Kawas.

Pa'arawan 17:16

Oya ma'araway iso a mo^tepay a pohong atoya 'a'adopen i, o mami'intel toya tasalamaan a fafahiyan. O 'a'afasen naira ko riko' ningra ato maamaan ningra a miwacay. O kakaenen naira ko hci ningra. O tatodohen naira cingra to namal a milanto.

Pa'arawan 17:3

Makakoy no Fangcalay 'Adingo kako saka, patayraen no coyoh kako i kohkohan. Ma'araw ako itira ko ccay a midakaway a fafahiyan to kahngangay a 'a'adopen. Maldef no milokesay to ngangan no Kawas a tilid ko tireng noya 'a'adopen. Pito ko fongoh, mo^tep ko pohong nira.

Pa'arawan 17:5

Matilid i pising ningra ko ngangan, <> sanay a pakakmoday ko tatodong a sowal.

Pa'arawan 19:19

Itiya i, ma'araw ako koya 'a'adopen ato hongtingti nonini a hkal ato nika sa'opo no sofitay nangra. O mamilood cangra toya midakaway to ^fa ato sofitay ningra.