Pa'arawan 12:3 - 阿美語聖經-新約附詩篇箴言

³ Ira haca a ma'araw ko roma a kafahka'an a dmak i kakarayan. Ira ko tata'angay a kahngangay a kangic. Pito ko fongoh, mo^tep ko pohong nira. Malarocek koya pitoay a fongoh nira a citamohong to no hongti.

Pa'arawan 12:3 Iomraidhean Croise

Pa'arawan 12:1

Ira a ma'araw i kakarayan ko tadamaanay a kafahka'an a dmak. Ciriko' to cidal ko ccay a fafahiyan. Ripa'en ningra ko folad. Citamohong cingra to tosa ko safaw a fo'is.

Pa'arawan 12:13

Mafana' koya kangic to nika fahkol nira i hkal. Saka, lpelen nira koya mahofocay to fa'inayan a wawa a fafahiyan.

Pa'arawan 12:17

Itiya i, kter sato koya kangic toya fafahiyan, lowad sato ciira to sapiloodaw to romaroma a tloc noya fafahiyan, oya mihaklongay to limo'ot no Kawas ato ma'imeray to pa'arawan ni Yis a so'lin a tamdaw.

Pa'arawan 12:4

Asik han no wikol nira ko ccay no kalitolo (1/3) no fo'is i kakarayan a mifahkol i hkal. Tomireng koya kangic i ka'ayaw noya mamahofoc a fafahiyan. Mitala ciira itira to sakakomaenaw nira to nihofocan noya fafahiyan a wawa.

Pa'arawan 12:7

Itiyasato lomowad ko kalalood i kakarayan. Looden ni Mikail ato coyoh ningra koya kangic. Co'ayen noya kangic ato coyoh nira ca Mikail.

Pa'arawan 12:9

Mafahkol i hkal koya tata'angay a kangic. O katlang a 'oner, o kakridan no Palafoay hananay, ano ^ca i, ci Satan han ciira. O misawiay ciira a pamoraraw to polong no tamdaw i hkal. Halocoyoh nira a mafahkol i hkal.

Pa'arawan 13:1

Ma'araw ako ko ccay a macakatay nai riyar a 'a'adopen. Mo^tep ko pohong, pito ko fongoh nira. Malarocek a citamohong to no hongti koya mo^tepay a pohong nira. Matilid i kahaccaccay no fongoh nira ko milokesay to ngangan no Kawas a sowal.

Pa'arawan 13:2

Matiya o lokdaw koya 'a'adopen a nengnengen. Matiya o wa'ay no tomay ko wa'ay nira. Matiya o ngoyos no layon ko ngoyos nira. Paflien noya kangic koya 'a'adopen to 'icel ato kamaro'an ato tadamaanay a sakowan nira.

Pa'arawan 13:4

Tona mapafli noya kangic koya 'a'adopen to sakowan saka, ta'ong sato ko tamdamdaw toya kangic. Haloya 'a'adopen a ta'ongen nangra. Sowal sa cangra, <> saan.

Pa'arawan 15:1

Ira a ma'araw ako i kakarayan ko tadamaanay a kafahka'an a dmak. Ira ko papitoay a coyoh. Mitatoy cangra to pitoay a sari'ang. Onini i, o saikoray a sari'ang. Nawhani i tini a mapahrek ko tata'angay a kter no Kawas.

Pa'arawan 16:13

Ma'araw ako ko tatoloay a matiyaay o takora' a kaackan a 'adingo a masadak nai ngoyos noya kangic ato nai ngoyos noya 'a'adopen ato nai ngoyos noya mangah a pali'ayaway to sowal no Kawas.

Pa'arawan 17:12

<

Pa'arawan 17:16

Oya ma'araway iso a mo^tepay a pohong atoya 'a'adopen i, o mami'intel toya tasalamaan a fafahiyan. O 'a'afasen naira ko riko' ningra ato maamaan ningra a miwacay. O kakaenen naira ko hci ningra. O tatodohen naira cingra to namal a milanto.

Pa'arawan 17:7

Sowal sa i takowanan koya coyoh, <

Pa'arawan 19:12

Matiya o marengrengay a namal ko mata Ningra. Citamohong Cingra to adihayay a tamohong no hongti. Matilid i tireng Ningra ko caay ko kafana'an no nimanima a ngangan. Deng Cingra ko mafana'ay.

Pa'arawan 20:2

Rpeten ningra koya kangic, o katlang a 'oner, o kakridan no Palafoay ci Satan a mipalit a mifahkol i awaay ko para' a ofang. Ta tahafen ningra koya ofang a mitopa. Ccay a patek a mihcaan ko nika palit noya kangic. Onini i, o saka^caaw pisawi nira to finawlan no kasakitakit tangasa i kalponan no ccay a patek a mihcaan. I ikor nonini i, o mamapacna' ciira a matdal.