Pa'arawan 12:11 - 阿美語聖經-新約附詩篇箴言

¹¹ Malowid no salikaka ita koya kangic pakayni i rmes no Tofor a Siri ato nano nipipatnak nangra to so'lin. Maolah cangra a kinafalah to 'orip nangra a mapatay.

Pa'arawan 12:11 Iomraidhean Croise

Yohani 16:33

O sakasomowal Ako i tamowanan tonini i, o sakacirihadayaw namo tona malaccay kita. O aira ko pades namo i tini i hkal. Nikawrira, sa'icelen ko faloco', malowidayto Ako ko hkal,>> han Ningra.

1 Yohani 5:5

Cima ko pakalowiday to dmak no hkal hakiya? Deng o paso'linay to nika o Wawa no Kawas ci Yis sanay.

1 Korinto 15:57

Nikawrira, o kakansiyaen ko Kawas. Pakaynien Ningra i Tapang ita ci Yis Kristoan ko sapakalowid ita!

Pa'arawan 2:26

O pakalowiday a tamdaw, oya mido^doay to limo'ot Ako tangasa i pahrekan i, o papaflien Ako cangra to matiyaay o nipaflian no Wama i Takowanan a 'icel a mikowan. O papaflien Ako cangra to 'icel a mikowan to kasakitakit. O mamatiya o dmak no mitatoyay to marad a cokor a mipleng to koreng ko dmak nangra a mikowan to kasakitakit.

Loma 16:20

O raranikay ko parihadayay a Kawas a miripa' ci Satanan. O papakaynien Ningra i wa'ay namo ko nipiporaric ci Satanan. Nanay, mapaini no Tapang a Yis ita kamo to mikomi!

Dmak 20:24

Ano malahciayto ako ko dado^doen ako a tatayalen ato nipatorodan no Tapang ci Yis i takowanan a tayal a pawacay to Nga'ayay Ratoh to pakayniay i mikomi no Kawas i, awaayto ko limlamla ako to 'orip ako to mamamamang aca.

1 Yohani 4:4

Wawaaw, o wawa no Kawas kamo saka, malowidayto namo koya mangah a pali'ayaway to sowal no Kawas a singsi no hkal. Nawhani ikakaay no 'icel no maro'ay i cangraan a 'adingo ko 'icel no maro'ay i tamowanan a Fangcalay 'Adingo.

Pa'arawan 3:5

O pakalowiday a tamdaw i, o mamatiya onini a mapariko' to kohcalay. Caay ko sasisiten Ako ko ngangan nangra i pitilidan to ngangan no ma'oripay. O papatalahkalen Ako ko ngangan nangra i ka'ayaw no Wama Ako ato coyoh no Wama Ako.

Pa'arawan 3:21

O pakalowiday a tamdaw i, o papaaro'en Ako cangra i tatihi Ako a papikapot Takowanan a mikowan. Onini a dmak i, matiya o nika maro' Ako i tatihi no Wama Ako a mikapot Cingraan a mikowan tona pakalowid Kako.

Pa'arawan 3:12

O pakalowiday a tamdaw i, o papatirengen Ako a palahcek i Fangcalay Pita'ongan to Kawas Ako. Caayto ko mamiliyas cingra itira a tahada'oc. O tatiliden Ako i cingraan ko ngangan no Kawas Ako ato ngangan no niyaro' no Kawas Ako. O nai Kawasay Ako a masadak a ma^pod nai kakarayan konini a niyaro', o fa^lohay a Yirusalim. O romasato, o tatiliden Ako i cingraan ko fa^lohay a ngangan Ako.

Pa'arawan 2:7

<

Pa'arawan 20:4

Ma'araw haca ako ko pinapina a 'anengang no mikowanay ato maro'ay itira. Mapatorod i cangraan ko 'icel a misawkit. O romasato, ma'araw haca ako ko salo'afang no nipatayan a tamdaw to nano nipipatalahkal nangra to nipa'arawan ni Yis a so'lin ato sowal no Kawas. O caay pita'ong cangra toya 'a'adopen ato faco noya 'a'adopen. O caay ka citopa to ngangan noya 'a'adopen ko pising ano ^ca i, o kamay nangra. Miliyaw cangra a ma'orip a mikapot ci Kristoan to ccay a patek a mihcaan a mikowan.

Luka 14:26

<

Pa'arawan 11:7

Ano mahrek koya tatosaay a mipatnak i, o mamasadak nai awaay ko para' a ofang ko ccay a 'a'adopen a milood cangraan. Ta malowid noya 'a'adopen cangra a mipatay.

Pa'arawan 1:2

Saka, pasowal ci Yohani to polong no ma'araway ningra i 'alomanay, mipawacay cingra to ratoh no Kawas ato so'lin no nipa'arawan ni Yis Kristo.

Dmak 21:13

Paca'of sa ci Pawlo, <> saan.

Pa'arawan 19:10

Orasaka, hinokop sa kako i ka'ayaw ningra a sapita'ongan cingraan. Nikawrira, sowal sa cingra, <> saan cingra. Nawhani, o nipa'arawan ni Yis a so'lin i, oya mingiyangiay to faloco' no pali'ayaway to sowal a so'lin koni.

Pa'arawan 6:9

Yo midohkit ko Tofor a Siri to saka lima a nitopaan i, manengneng ako i kala^no no pipato'ayaan ko salo'afang no nipatayan a tamdaw. O nano nipipasowal nangra to sowal no Kawas ato nipipawacay nangra to pakayniay i ci Kristoan ko sakapatay nangra.

Pa'arawan 2:17

<

Pa'arawan 2:13

mafana' Kako to kamaro'an iso, o kamaro'an ni Satan a mikowan korira. O so'linay a pawacayay to pakayniay Takowanan ci Antipas. Nikawrira, itiya yo patayen no tamdaw cingra itira i tamowanan i kamaro'an ni Satan i, tanektek ko faloco' namo, caay pisawad kamo a miti'er i Takowanan.

Pa'arawan 1:9

O salikaka namo kako ci Yohani, malakapot namo a mihadidi to pades, mikihamon haca to pikowan Ningra. O sapipatnakaw to sowal no Kawas ato so'lin no nipa'arawan ni Yis. Saka, o namarofoayto kako i Patmos hananay a kanatal.

Pa'arawan 12:17

Itiya i, kter sato koya kangic toya fafahiyan, lowad sato ciira to sapiloodaw to romaroma a tloc noya fafahiyan, oya mihaklongay to limo'ot no Kawas ato ma'imeray to pa'arawan ni Yis a so'lin a tamdaw.