Pa'arawan 10:7 - 阿美語聖經-新約附詩篇箴言

⁷ Ano mila^pato ko sakapapito a coyoh i, itiya a do^doen no Kawas ko nano nisowalan Ningra i matayalay Ningra a pali'ayaway to sowal no Kawas a milahci to pakakmoday a dmak Ningra,>> saan.

Pa'arawan 10:7 Iomraidhean Croise

Dmak 3:21

O a itira ci Yis i kakarayan tangasa i kasafa^lohan no kalomaamaan. Onini i, mato nipali'ayawan no Kawas i ti:yaho pakayni i sowal no fangcalay a pali'ayaway to sowal Ningra.

Loma 11:25

Salikakaaw, nanay mafana' kamo to pakakmoday a so'linay, ta caay pisamafanafana'ay kamo. Onini a so'lin i, caay ka ^min a 'atkak ko faloco' no Israil a tamdaw, deng tahira i pitalaan to ka^minan no roma a finacadan a pasayni i Kawas.

Loma 16:25

Nanay mapa'dil ko Kawas! O nipatnakan ako a Nga'ayay Ratoh to pakayniay ci Yis Kristoan i, o patalahkalay i matini to nano masimeday no Kawas nai ti:yaho i kasarkarkad no mihcaan a pakakmoday a sowal.

Pa'arawan 14:6

Itiya i, ma'araw haca ako ko ccay a ma^feray i karayan a coyoh. Ira i cingraan ko mida'ocay a Nga'ayay Ratoh, o papatnaken ningra konini i kasakitakit i tini i hkal, i kasaniyaro', i kasangasaw, i kasasiromaroma no sowal.

Pa'arawan 17:17

Nawhani papilahcien no Kawas caira to nafaloco'an Ningra. Saka, laccay sa ko faloco' naira a mipatorod toya 'a'adopen to sakowan naira tangasa i kalahcian no sowal no Kawas.