Saka, ala han ako i kamay noya coyoh koya mamangay a nano maloloday a cudad a komaen i, matiya o waneng no 'odal a ko^san i ngoyos ako. Nikawrira, mahrek kako a komaen i, 'angrer i tiyad ako.
Wa tolo a romi'ad ira ko pangkiw ko nipinengneng no tamdaw no kasafinacadan ato kasangasaw ato kasasiromaroma no sowal ato kasakitakit to kodih nangra, caay ko mamihayda cangra to nipitadem toya mapatayay a tireng noya tatosaay.
Itiya i, ma'araw haca ako ko ccay a ma^feray i karayan a coyoh. Ira i cingraan ko mida'ocay a Nga'ayay Ratoh, o papatnaken ningra konini i kasakitakit i tini i hkal, i kasaniyaro', i kasangasaw, i kasasiromaroma no sowal.
Onini a papitoay a hongti i, matfadayto ko lalima. Tomirengho anini ko ccay. Awaayho a talahkal ko ccay. Nikawrira, ano irato ciira i, caay ko hahalafin ko nika tomireng nira.
