'Olic 92:2 - 阿美語聖經-新約附詩篇箴言

² O dafak i, mipalosiyang kami to mida'ocay a olah Iso, o dadaya i, mipasowal kami to nika so'lin Iso.

'Olic 92:2 Iomraidhean Croise

'Olic 101:1

Tapangaw, mipahmek kako a romadiw to sini'ada ato mo^cel Iso, Tapangaw, mipahmek kako a romadiw i Tisowanan.

'Olic 145:2

O papahmeken ako Kiso to romi'ami'ad, o papahmek kako to ngangan Iso a tahada'oc.

'Olic 147:1

Haliluya! O karomadiw a pahmek to Kawas ita i, o tadanga'ayay. O tadakalipahakan ko pipahmek i Cingraan, o matatodongay konini.

'Olic 42:8

Tapangaw, nanay pahapinangen Iso to romi'ami'ad ko mida'ocay a olah Iso, ta pahmek kako a mitolon to dadayadaya to pafliay i takowanan to 'orip a Kawas.

'Olic 71:15

O papasowal kako to nika mo^cel Iso, ano caacaayho ka tadafana' kako to polong no dmak Iso a mipa'orip i, o mamararid kako to romi'ad to dadaya a pasowal to pipa'orip Iso.

'Olic 77:2

Yo mapades kako i, mitolon kako to Tapang, salafii sa kako a pakamay a mitolon i, caay ka hinom ko faloco' ako.

'Olic 9:3

Yo sadak sa Kiso i, tangsol a tararikol a milaliw ko 'ada ako, tahafikod cangra a matolo' a ma^min a mapatay.

Yohani 1:17

Pakaynien no Kawas ci Mosian ko nipipafli i titaanan to Rikec. Nikawrira, pakayni ci Yis Kristoan ko saka ira no mikomi ato so'lin.

Dmak 16:25

Tnok no lafii i, mitolon, romadiw ca Pawlo aci Silas a pahmek to Kawas. Pasayra sa a mitngil ko marofoay a ma^min.