'Olic 9:2 - 阿美語聖經-新約附詩篇箴言

² O nano Miso ko sakalipahak ako a romadiw, o Isatakaraway a Tapangaw, o papahmeken ako a romadiw ko nika tadamaan no ngangan Iso.

'Olic 9:2 Iomraidhean Croise

'Olic 138:1

Tapangaw, masarocod ko faloco' ako a mikansiya i Tisowanan, romadiw kako a pahmek i Tisowanan i ka'ayaw no kalokawakawas.

'Olic 26:7

Romadiw kako to sapikansiya a 'olic a radiw, pasowal kako to kafahka'an a nidmakan Iso a ma^min.

'Olic 27:6

Saka, malowid ako ko i taliyokay ako a 'ada. O a itira kako i Fangcalay Pita'ongan Ningra a milkal a pato'aya, pahmek kako a romadiw to Tapang.

'Olic 28:7

O 'icel ako, o sapatada ako ko Tapang, masarocod ko faloco' ako a miti'er i Cingraan. Mapadama Ningra kako saka, lipahak kako, o hahmeken ako Cingra a romadiw.

'Olic 43:4

Ta tayra kako i ka'ayaw no pipato'ayaan, i ka'ayaw no pafliay i takowanan to mida'ocay a lipahak a Kawas. Kawasaw, Kawas ako, o mamidatok kako a pahmek a romadiw i Tisowanan.

'Olic 5:11

Nikawrira, oya miki'adingay i Tisowanan a tamdamdaw i, nanay mararid cangra a lipahak a mahmek a romadiw. Nanay dipoten Iso koya maolahay i Tisowanan. Ta pakayni i Tisowanan ko sakalata'ang nangra a lipahak.

'Olic 7:17

Pakayni i mo^cel no Tapang saka mikansiya kako, o papahmeken ako a palosiyang ko nika tadamaan no ngangan no Isatakaraway a Tapang.

'Olic 83:18

Nanay mafana' cangra to ngangan Iso o Tapang, dengan Kiso o Isatakaraway ko mikowanay to polong no hkal.

'Olic 86:12

Tapang a Kawas ako, masarocod ko faloco' ako a pahmek i Tisowanan, o papa'dil kako a tahada'oc to ngangan Iso.

'Olic 92:1

Tapangaw, tada o nga'ayay a dmak ko pikansiya i Tisowanan, Isatakaraway a Tapang, tada o makapahay a dmak ko pipahmek a romadiw i Tisowanan.

'Olic 92:4

Tapangaw, o nika tadamaan no dmak Iso ko sakalipahak ako, o nika tadamaan no tayal Iso ko sakapilkal ako a romadiw.

'Olic 96:3

Palosiyangen i kasakitakit ko nika tadamaan Ningra, pasowalen i kasafinawlan ko nika tadamaan no dmak Ningra.

'Olic 97:12

Kamo o mo^celay a tamdaw, kalipahak kamo to nano nidmakan no Tapang. Pipahmek kamo to Fangcalay a ngangan Ningra.

'Olic 97:9

Tapangaw, o mikowanay Kiso to tahaf no kakarayan, o ikakaay no kalokawakawas Kiso.

Filipi 4:4

Kararid kamo a lipahak to nika laccay namo ato Tapang. Miliyaw kako a pasowal i tamowanan, kalipahak kamo.