'Olic 7:9 - 阿美語聖經-新約附詩篇箴言

⁹ O mo^celay a Kawas Kiso, o mafana'ay a mihapinang to faloco' ato harateng no tamdaw. Saka, nanay 'meten Iso ko tatiihay a dmak no tatiihay a tamdaw. Pakaolahen ko nga'ayay ko dmak a tamdaw.

'Olic 7:9 Iomraidhean Croise

'Olic 10:15

Nanay pelpelen Iso ko 'icel no tatiihay a tamdaw, nanay kadkaden Iso ko raraw nangra a ma^min a mitfoc.

'Olic 10:18

Nanay patadoen Iso ko masamsamay a tamdaw ato pakoyoc a wawa a pa'ading, ta caayto pipatalaw to tao koya mamapohed a tamdaw.

'Olic 11:5

Mihapinang ko Tapang to mo^celay a tamdaw ato tatiihay a tamdaw, Ka'intelen Ningra ko mari'angay a tamdaw.

'Olic 139:1

Tapangaw, masapsapto Iso ko faloco' ako, mafana'to Kiso i takowanan.

'Olic 17:3

Mafana' Kiso to laloma' no faloco' ako, tayni Kiso to dadaya a mihapinang i takowanan, kadkaden Iso kako a milifet a mihapinang i, awaay a matama Iso ko maan aca a tatiihay a harateng ako.

'Olic 18:21

O mido^doay kako to lalan no Tapang, caayho pipacoli kako to Kawas ako.

'Olic 26:2

Tapangaw, nanay hapinangen Iso kako, lifeten kako, nanay hapinangen Iso ko faloco' ato harateng ako.

'Olic 35:23

Kawasaw, kapalalto, nanay pa'adingen kako, Tapangaw, kalomowadto, nanay patadoen kako a pa'ading.

'Olic 37:23

O Tapang ko mikriday to tamdaw a pasifana' to dado^doen ningra a lalan, dipoten Ningra ko rakat no mitooray Cingraan.

'Olic 40:2

Pasadaken Ningra kako nai cihnotay a talolongay a rfong, ta tlien Ningra kako i kafkang no 'ongcoy, patanekteken Ningra a parihaday kako.

'Olic 43:1

Kawasaw, nanay pasteken Iso kako i awaay ko raraw, pa'adingen kako a paliyas nai caay pitoor Tisowanan, nanay pa'oripen Iso kako a paliyas nai misa'fitay tatiihay a tamdaw.

'Olic 44:21

kona mahapinang Iso a mitapal, nawhani mata'sel ko pinengneng Iso to masimeday i faloco' no tamdaw.

'Olic 58:6

Kawasaw, mamana piteken Iso ko wadis nangra. Tapangaw, mamana ngito'en Iso ko packis nonini a toforho a layon.

'Olic 9:9

O piki'adingan no masamsamay a tamdaw ko Tapang, o piki'adingan haca no mapadesay a tamdaw Cingra.

'Olic 96:10

Pasowalen ko kasakitakit, <> han.

'Olic 96:13

Nawhani o tatayni ko Tapang a mikowan to tahaf no kakarayan, o mo^cel ko sapikowan Ningra to hkal, o so'lin ko sapidipot Ningra to kasafinawlan.

'Olic 98:9

Nawhani o tatayni Cingra a mikowan to tahaf no kakarayan. O mo^cel ko sapikowan Ningra to hkal, o marayasay ko sapidipot Ningra to kasafinawlan.

Dmak 12:23

Itiya i, fahal sa a masti' no coyoh no Tapang ci Hiroti. Nawhani caay pahmek cingra to Kawas. Saka, makalat no fao, patay sato cingra.

Loma 16:25

Nanay mapa'dil ko Kawas! O nipatnakan ako a Nga'ayay Ratoh to pakayniay ci Yis Kristoan i, o patalahkalay i matini to nano masimeday no Kawas nai ti:yaho i kasarkarkad no mihcaan a pakakmoday a sowal.

1 Tisalonika 3:13

Nanay, mapatanektek no Tapang ko faloco' namo, ta ano miliyaw a tayni ko Tapang ita ci Yis a malahaklong ato mitooray i, makorac, masongila' kamo i ka'ayaw no Wama a Kawas ita.

1 Pitiro 5:10

I ikor no nika pades namo to pasamoay i, oya pafliay to polong no mikomi a Kawas, o mitahidangay a pakayni ci Kristo Yisan a malaccay a mida'oc a marihaked i ci'dilay a Kawas, o mamipalowad i tamowanan a pafli to 'icel ato tanoktokay a paranaan namo.

Yuta 1:1

O koli ni Yis Kristo, o salikaka ni Yakop ci Yuta kako. Patilid kako i tamowanan o kaolahan no Wama a Kawas, o madipotay ni Yis Kristo a matahidangay no Kawas a tamdamdaw.

Pa'arawan 2:23

O papatayen Ako ko nisawawaan noya fafahiyan. Ta mafana' ko kalokiwkay to nika o minikiway Kako to laloma' no faloco' no tamdaw. O dmak no kahaccaccay namo ko pi'arawan Ako a pafli to tatodong.