'Olic 7:6 - 阿美語聖經-新約附詩篇箴言

⁶ Tapangaw, kalomowad a mikakter to 'ada ako a milood. Nanay kalomowadho a mipadama i takowanan, Nawhani o mo^celay ko nilongocan Iso.

'Olic 7:6 Iomraidhean Croise

'Olic 103:6

Mipa'ading ko Tapang to masamsamay a tamdaw, patalahkalen Ningra ko mo^celay a dmak to saki cangraan.

'Olic 12:5

Nikawrira, sowal sa ko Tapang, <> saan.

'Olic 138:7

Talacowa malikot no pades kako, nikawrira, dipoten Iso a parihaday kako, looden Iso koya miforiforay a makter a 'ada ako, pakaynien Iso i 'icel Iso ko pipa'orip i takowanan.

'Olic 143:3

Mikari'ang ko 'ada ako i takowanan, lowiden ningra kako. Rofoen ningra kako i to'manay a pirofoan, matiyato o halafinayto a mapatayay a tamdaw kako.

'Olic 3:7

Tapangaw, kalomowad! Kawasaw ako, pa'oripen kako! Pekpeken Iso ko ngaroy no 'ada ako a ma^min, folfolen Iso ko wadis no tatiihay a tamdaw a ma^min.

'Olic 35:1

Tapangaw, mamana pacolien Iso ko pacoliay i takowanan, mamana looden Iso ko milooday i takowanan.

'Olic 35:23

Kawasaw, kapalalto, nanay pa'adingen kako, Tapangaw, kalomowadto, nanay patadoen kako a pa'ading.

'Olic 44:23

Tapangaw, kapalalto, nawiro fafoti' sa Kiso saw? Kalomowadto, akato tahada'ocen kami a mifalah.

'Olic 44:26

Nanay kalomowadto Kiso a padama i tamiyanan, nawhani o mida'ocay ko olah Iso i tamiyanan, nanay pa'oripenho Iso kami.

'Olic 59:5

Tapangaw, o mikomoday a Kawas, kalomowad a padama i takowanan! O Kawas no Israil, nanay tapalen kami! Mamana lomowad Kiso a mitfoc to roma a finacadan, aka ka sini'adaen cangra o tatiihay o pacoliay a tamdaw.

'Olic 73:20

Matiya o lmed cangra, dafak sato i, malasawadto, Tapangaw, mapalalto Kiso i, awaayto a ma'araw cangra.

'Olic 74:3

Plengen no 'ada niyam ko Fangcalay Pita'ongan, nanay katayniho Kiso a minengneng to malaklakay a niplengan nangra.

'Olic 78:65

Nanoya, matiya o talipa'lalay na mafoti' ko Tapang, samatiya sa o mapalowaday no ^pah a malasangay a ci'icelay a tamdaw Cingra.