'Olic 5:4 - 阿美語聖經-新約附詩篇箴言

⁴ Caayay ka olah Kiso o Kawas to tatiihay a dmak, caay pihayda Kiso to pikapot no tatiihay a tamdaw a maro'.

'Olic 5:4 Iomraidhean Croise

'Olic 101:7

O misafana'ay a tamdaw i, caay ko mamaro' i loma' ako, caay ko tatomireng i ka'ayaw ako ko misamangahay a tamdaw.

'Olic 11:5

Mihapinang ko Tapang to mo^celay a tamdaw ato tatiihay a tamdaw, Ka'intelen Ningra ko mari'angay a tamdaw.

'Olic 140:13

O mamipahmek i Tisowanan ko mo^celay a tamdaw, o mamaro' cangra i ka'ayaw Iso.

'Olic 50:21

Hatini ko dmak iso i, trep sa kako, o harateng iso i, o malcaday kako ato Cingra saan kiso? Caay, o tatoro'en Ako kiso a pahapinang to nidmakan iso.

'Olic 63:2

Na mapanengnengayto Iso kako to Fangcalay a Kaitiraan Iso, manengnengayto ako ko tadamaanay a 'icel ato 'dil Iso.

'Olic 88:14

Tapangaw, nawiro falahen Iso kako saw? Nawiro liyasen Iso kako a caay pikihar saw?

'Olic 92:15

Onini i, o pahapinangay to nika mo^cel no Tapang, awaay ko caay ka mo^cel no midipotay i takowanan.

'Olic 94:20

Caay pinaol Kiso to misakakinihay a mikowanay, nawhani o rikec ko sapa'ading nangra to caay ka mo^cel a dmak.

Yohani 14:23

Paca'of sa ci Yis, <

Hipray 12:14

Sa'icelen ko sakararihaday ato polong no tamdaw. Sa'icelen ko sakafangcal no dmak namo. Ano caay ka fangcal i, caay ko papaka'araw kamo to Tapang.

2 Pitiro 3:13

Nikawrira, mitala kita to nano nisowalan no Kawas a fa^lohay a kakarayan ato fa^lohay a sra. Mararid ira ko mo^cel itira.

Pa'arawan 21:23

Malomaanho ko nipipatdi no cidal ato folad toya niyaro'. Nawhani o 'dil no Kawas ko patdiay toya niyaro'. O Tofor a Siri ko todong no dawdaw noya niyaro'.

Pa'arawan 21:27

Nikawrira, caay ko mamicomod toya niyaro' ko kakaackan a maamaan ato kasimelangan ko dmak a tamdaw ato misamangahay a tamdaw. Deng o matiliday no Tofor a Siri ko ngangan i pitilidan to ngangan no ma'oripay ko mamicomod toya niyaro'.